Ruk’ jun nimalaj eqa’lenem rech kachajixik ri winaqilal pa tinamit, xe’ok ri’ e 500 chi e’ajchajinel xuquje’ kuk’ ri 159 chi ajchajinelab’ xya ri nim keqale’n rech xe’ok pa le Grado Inmediato Superior rech ri Wokajil Ajchajil Tinamit (PNC). Le puq ajchajinelab’ ri’ e’are k’ut kakiya nim uchuq’ab’ ri b’anoj chajinem utzilal chi kech ri winaqilal xuquje’ rech kechajin pa tinamit Iximulew.
Le Ministro rech Gobernación, Francisco Jiménez, sib’alaj xuya ub’ixik ri ucholajilal ri cholchak b’anom rech kak’iyirsax kuwach ri e’ajchajil tinamit. “K’a xinmaj loq nuchak, xmajtaj loq le k’uttijonik kumal ri e’ajchakul rech, pa le choman ub’nik nuchak. Ruk’ wa’ kaqaya pa le k’ak’ ub’anikil le PNC, rech kub’an jun k’ak’ wokajil chajin tinamit pa usaqilal”, xcha’.
Xuquje’ eri Taqawokajnel Chajin Tinamit xub’ij, che ri winaqil e’aj iximulew kakub’ ranima’ chi kech ri k’a’ e’ajchajinelab’ ri k’ak’ e’ajtaqanelab’. Ruk’ uch’umilal reta’mib’al, qastzij k’ut che kek’iyarik ri k’ak’ taq wokajilal e k’ak’ taq e’ajeqa’lenelab’ ri’. Chixchakun b’a’ pa isaqilal, ronojel ichuq’ab’, iwanima’, misach chiwe rech kito’o kichajij ri winaqilal pa le qatinamit”, xcha’.
Eri K’amal B’e rech ri PNC, David Custodio Boteo, xub’ij che ri majib’al wa’ are ri’ jun chik pa uq’atajil pa le uwi katijoxik ri e’ajchajin tinamit kuk’ ri e’ajtaqol kech. “Kinb’ij chiwe rech chib’ana ri ichak ruk’ suk’ilal, pa saqilal rech pa le ub’anik ri utzil chech ri ya’tal chi kech konojel ri winaqilal”, xcha’.
“Chi jujunal ix iweqam chuwi taq iteleb’, ri ralal ri iwatz’yaq, ri kub’al kik’u’x ri nimalaj tinamit winaqil e’aj iximulew ruk’ suk’umalil, rech kato’ik ri kik’aslemal ri winaqilal, xuquje’ rech kaloq’axik ri nimab’al kuwach ri winaqil”, xcha’ ri Custodio Boteo.
Pa le nim okem uwatzij ri’, eri xetijoxik pa le Quincuagésima Sexta Promoción rech ri Curso Básico rech Formación rech E’ajchajin Tinamit ri’ xkitunu kiq’ab’ xkiya kitzij rch kechakunik pa le b’anik utzilem chajin tinamit winaqil, pa jikom kanima’ xeq’ax chi uxe le Retal Ratz’iyaq rech Nimatinamit Iximulew. Xuquje’ na’tib’al kaloq’axik xjach chi kech ri e’ajchajin tinamit.
Xuquje’ eri q’atb’al tzij rech Gobernación ruk’ ri rech ri PNC xkib’an ukojik na’tib’alil chi kech ri e 85 chi e’ajchajinelab’ rech ri Décimo Noveno Curso rech Capacitación rech xe’ok chech ri Inspector rech Policía, chi kech ri 48 eqa’lenelab’ rech ri Vigésimo Sexto Curso rech Capacitación rech ke’ok che Oficial Primero rech Policía, xuquje’ rech e 26 xe’ok che taqanel pa le Vigésimo Cuarto Curso rech Formación rech Ascenso xe’ok che Subcomisario rech Policía ri’.