Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), pa jun puqtzukunem q’atenik xb’an kimik pa nimaq’ab’, xb’antaj kowonem xchapik jun achi extradible Williams Esturado “N”, ri Guarizana q’ab’em ub’i’ , pa le Caserío Los Reyes rech San Andrés, Petén.
Eri jun achi are chi’ xchapik xk’am loq pa le uk’u’x nimatinamit ruk’ utob’anik le Unidad Aérea rech ri Ministerio rech Gobernación, are chi’ xopan loq xk’am b’i pa le Torre rech Tribunales ri’.
Eri jun q’ab’em ub’i’ Guarizana ri are xchapik rumal xtaq loq jun uchapik rech kachapik rech kataq b’i pa le nimatinamit EE.UU., are kab’ixik k’o umak ub’anom pa le k’ayin awan kunb’alil. Eri tzukunem xb’an chi rij ri’ are xuk’utu che ri jun achi ri’ are uwinaq jun molaj b’anol k’ax ri keriqitajik pa le norte chech we rulewal nimatinamit, are ri’ qas ajk’ulunel rech ri awan kunb’al xuquje’ rech ri utaq b’i chom taq eqa’n rech cocaína pa México. Ruk’ wa’ ri are e k’o chik e 12 ri extradibles rech e taqom b’i pa Estados Unidos pawe junab’ ri’, e k’o job’ ri’ e taqom b’¿i rumal xek’oji pa narcotráfico ri’ e k’o wuqub’ chik xetaq b’i rumal k’o nik’aj chik ri kimak ri’.
Eri Ministro Francisco Jiménez sib’alaj xutzuj pa le uwachwuj rech X chewe ruk’ uchapik jun achi ri’ are qas taqim k’ut uq’atexik taq ri narcotráfico xuquje’ are la’ uwach ri komonchak tajin ruk’ ri #SGAIA rech #PNC xuquje’ agencias rech #EEUU rech uq’atexik ri narcotráfico ri’.