K’a pa le q’ij rech abril ri’, xmajtaj ub’anik upatanexik ri ukab’ uwach ri cholchak ub’i’ Semana Santa Segura”, ri kub’an nim upatanexik ri nimachajinem pa taq le nimab’e pa rulewal taq uq’ab’ le nimatiamit che ri kewa’kat wi ri winaqilal, pa taq le k’ulb’a’t juyub’ rech iximulew. Eri k’olib’al taq chajinem ri’ are kutaqij kachajixik ri winaqil ri’ rech kub’an jun utzilaj chajinem pa le nimaq’ij Awas Q’ij.

Le Viceministra rech Ya’olchajinem, Claudia Palencia, pa le xutzuj xub’ij k’ut che pa le Uwaq q’ij rech Awas Q’ij ri’, sib’alaj ronojel le wokajil ajchajin tinamit ub’i’ (PNC) kak’oji pa le chajinem pa juntir taq rulewal ri nimatinamit ri’. “E k’o 38 chi mil reqa’lenel chajin tinamit kek’oji pa chajinem, kuk’ ri ch’ich’ kechajin cho ri uwach kaj pa kaqiq’, pa taq rulewal tinamit, pa uwi palow, cho, nima’, k’o kemechakub’al rech uwach ilob’al, cuatrimotos kakojik, xuquje’ ruk’ chajinem kab’an pa ronojel le amaq’. Eri jujun puq e’ajchajinel ri’ rech pa aninaqil kek’oji pa chajinem wexa’ k’o ri kak’ulmatajik”, xcha’.

Xuquje’ le nan Palencia sib’alaj xub’ij sib’alaj rajawaxik b’a’ jikom suk’alil chewa’kat b’a’ chi jujunal ri winaqil ri’”, xcha’, chakib’insaj b’a’ ri kich’ich’ pa tikalem nojimal xuquje’ xaq makichomaj kakib’an ri itzelal we man k’ot pa usaqilal ri’, rajawaxik pa suk’alil chewa’kat b’a’. Eri wokajil ajchajin tinamt ri’, are rech kakiq’atej ri k’ax, rech ke’achb’ilanik, kechajinik, man rech taj kakib’ij chiwe jas ri kiwaj kib’ano”.

Ri nimaq’ij q’ijob’al

Eri wokajil ajchajin tinamit sib’alaj kakib’inisal ri kejach’ich’, kakib’insaj ri b’anoj chajinem che kaqan pa taq le k’olib’em pa taq ri telentyox jeri’ pa taq le b’anoj nimaq’ij q’ijob’al, jacha pa le Uk’u’x Nimatinamit ri’, pa La Antigua Guatemala, Sacatepéquez, xuquje’ pa nik’aj chik k’olib’em che ri qas kakimol wi kib’ ri winaqilal ajch’ab’al e’ajq’ijonel pa le uq’ijol le awas q’ij ri’.

Le Viceministra Palencia xutzuxj che k’a pa le 5 rech ik’ marzo kanoq xmajtaj loq ub’anik ri chajinem ub’i’ “Tradiciones Seguras”, are chi’ xe’utaq e 1 mil chi e’ajchajin tinamit pa le k’olib’em chajinem, rech xechajin pa taq le telentyox xb’an pa nimatinamit xuquje’ pa taq le nik’aj k’olib’em nimaq’ij ri’ pa le Nimalaj Awas Q’ij pa nimatinamit.

Pa k’isb’al ri’, le nan Palencia sib’alaj xutzuj chi k’o nim upatanib’al rech kab’an ri kub’sib’al k’u’x chi ke ri winaqilal pa taq le taqawokajilal. “Eri jun b’anonem ri’ are xmajtajik ruk’ le jun nim wokajil ajchajin tiamit ri keriqitaj chi la’ che ri e rajawaxik wiri’, xuquje’ ri ruk’ no’jchakunem ketajin pa niman ri ya’talil uwinaqilal tinamit uquje’ ruk’ utzilaj kanima’ ri’, ri man ke’uxlan taj pa le nimaq’ij ri’”, xcha’.