Eri reqa’lenel ri Comisaría 13 rech ri Wokajil Ajchajin Tinamit (PNC) pa Jueves Santo ri’ xkib’an jun puqchajinem q’atenik pa le kilómetro 21 rech le nimab’e kab’e El Salvador ri’, rech utaqixik ub’anik ri cholalejil k’olem wa’katem pa tinamit xuquje’ rech pa utzilem b’a’ kek’oji ri winaqilal pa le Awas Q’ij.
Pa le nimaq’ij ri’, eri reqa’lenel ajchajin tinamit xkijacho ri wuj tzijol rech xkiya utzijol pa tinamit ri rajilal ch’aweb’al rech k’o ri kakib’ij wi loq, pa le 110 rech ri PNC, pa le 1531 rech Centro Anticorrupción Policial, pa le 1574 rech antiextorsiones, pa le 1577 rech antinarcótica xuquje’ pa le 1561 rech Crime Stoppers.
Xuquje’ xb’an kapixb’exik ri winaqilal e’ajb’enal rech b’a’ pa utzilem kewa’katik pa taq le nimab’e pa tinamit. Xuquje’ xkita ri xkitzij ri tat nan rech chakikojo b’a’ ri brazaletes ruk’ kib’i’ ri kalk’uwal, rech aninaq kakiriqo rech wexa’k’a te’et kesachik pa le k’olib’al wa’kateb’al uxlanb’alil che ri kakiriqo wi kib’ ri winaqil.
Eri b’anonem ri’ are la’ uwach ri cholchajinem ub’i’ “Semana Santa Segura”, ri k’amatil ub’e ub’anik rumal le Wokom K’amal B’e Amaq’ Iximulew pa le uchakunik ri Ministerio rech Gobernación (Mingob), rech b’anik jun utzilaj kachajixik ri winaqil kewa’katik pa tinamit kuk’ ri winaq ri naj kapetik wiri’ ri ke’opan chi’ pa le Awas Q’ij.