Eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap loq jun extraditable ri “Carnitas” q’ab’em ub’i’ kab’ixik, are taqom loq uchapik rumal ri q’atb’al tzij estadounidensse rumal k’o pa narcotráfico ri’. Ri are ri’ xchapataj loq pa jueves ri’ pa le zona 1 rech Cobán, Alta Verapaz ri’.
Eri Ministro rech Gobernación, Francisco Jiménez, pa le uwachwuj ub’i’ X, xuya wi utzijol che are ri’ jun extraditable, eri ub’i’ are a Allan Mendoza. Xuquje’ eri a Jiménez sib’alaj xub’ij che rumal ri komonchak xb’an kuk’ ri wokajil antinarcóticas rech ri PNC kuk’ ri agencias rech ri Estados Unidos rech América ri’ xkichap loq.
Eri Mendoza sib’alaj taqom uchapik loq rumal ri wokom k’amal b’e taqanik estadounidense ri’ rumal eri jun achi ri’ xutaq uk’ayixik ri awan kunb’al cocaína pa le nimatinamit EE.UU, jeri’ ruk’ ri k’aqb’al q’aq’ rachi’l awan kunb’al ri’ eri ri’ umak xub’ano.
Ruk’ ri uchapik ri’, e kajlajuj chik chi extraditables e chapom chik pa le junab’ ri’. Pa konojel ri’, e wuqub’ chik e chapom loq rumal e k’o pa narcotráfico ri’ xuqje’ eri e wuqub’ chik rumal nik’aj kimak kib’anom. Eri kichapik ri’ are sib’alaj qas taqim ri’ rumal le wokom k’amal b’e tinamit kimik pa kaq’atexik ri e nuk’molaj b’anol k’ax pa taq nimatinamit.