Eri Wokom K’amal B’e Iximulew, pa reqale’n ri Ministerio rech Gobernación, tajin che ub’anik ri plan “Tradiciones Seguras” rech xtaqix ub’anik ri chajinem pa taq le telentyox rech Awas Q’ij. Pa le cholchak chajinem ri’ xetaq ri reqa’lenel ri Wokajil Ajchajin Tinamit (PNC) pa taq le kib’inib’alil, ri kakimulij wi kib’ ri winaq pa Uk’u’x Nimatinamit rech Iximulew, pa La Antigua Guatemala, Sacatepéquez xuquje’ pa nik’aj chik wokja che ri qas kakimulij wi kib’ ri winaqilal xuquje’ ri e’ajch’ab’al rech pa tyox.
Eri chajinem ri’ are katajin chi rij taq kejach’ich’, che kaqan, kumal ri’ e’ajchajin tinamit, xechajin k’ut pa umajik xuquje’ pa uk’isb’alil ri telentyox ri’. Xuquje’ e k’o Torres rech Vigilancia e kojom ri’ pa taq le wokja chinaqaj ri rachoch komontyox xuquje’ k’o k’olib’al chajinem ri’ rech xkitzijob’ej ri winaqil pa tinamit.
Eri e’ajchajin tinamit ri xetaq pa k’olib’al chajinem q’atenik, xuquje’ rech xkiya utzjiob’el chi kech ri winaqilal, k’o ri wujtzijol xkijach pa tinamit ri’ ri kub’ij wi che wexa’ rajawaxik, kech’aw panoq pa le 110 rech ri PNC, PA LE 1531 RECH Centro Anticorrupción Policial, pa le 1574 antiextorsiones, pa le 1577 antinarcótica xuquje’ pa le 1561 Crime Stoppers. Ruk’ utzijoxik che ri qas kaq’ax wiri’ ri telentyox ri’, ri ub’e ri’, ri kopan wiri’ xuquje’ ri uq’ij ri telentyox ri’.
Xuquje’, kakino’jij kakipixb’ej ri winaqil e k’o pa taq ri ub’e ri telentyox. Kakita toq’ab’ chi kech ri tat nan rech kakikojo kib’i’ ri taq ala, ri taq ali chi rij ri kaq’ab’, rech wexa’ xesachik rech k’ax taj kakiriq chi kuxo’l taq ri winaqilal.
Eri puqchajinem are rech ke’utzijob’ej ruk’ retz’eb’exik ub’ixik chi kech ri winaqil e’ajch’ab’al rech qas kakeche’j kewa’kat kuk’ ri kachalalaxik are kakeye’j kaq’axik ri telentyox, are la’ utaqim ub’anik rech pa utzilem jikomal kakiq’axe’j ri nimaq’ij ri e’ajchab’al ri’ pa le telentyox ri’.