K’o jun komon tob’anem kab’an chi kuwach ri Iximuelw ruk’ le Nimatinamit rech China ri’, Ri Taiwan ri’ pa le taqom wuj kijuch’um ri’ xkitaq uya’ik 252 chi k’ak’ ch’ich’ rech kakejexik chi kech ri Wokajil Ajchajil Tinamit (PNC). Ruk’ ri’, kaya uchuq’ab’ ri utz chak rech chajin winaqilal xuquje’ rech uq’atexik ri b’anoj k’ax pa tinamit kumal ri wokajil e’ajchajin tinamit ri’.
Le Ministro rech Gobernación, Francisco Jiménez, are chi’ xutzijonik, sib’alaj xub’ij che ri tob’anem rech ya’ik loq ri k’ak’ ch’ich’ rech kejem, are la’ katob’anik pa le b’anoj chajinem winaqilal ri’. “Junab’ir k’ut xtaq kakojik le Grupo Especial rech Q’atenem Toq’inik Pwaq ri’ ub’i’ (GECE), xuk’ut ri’ che are utz b’a’ we kachomaxik rilik le rajawaxik b’anoj chajinem ri’ chi rij taq ri kejch’ich’ pa chajib’al”. Xcha’.
Rumal ri’, le Embajadora rech Taiwán pa Iximulew, Vivian Chang, xub’ij chewe nimatob’anik kumal le keb’ nimatinamit ri’ are utaqim ya’’ik uchuq’ab’ ri puqchajinem rumal le wokajil rech ya’olchajinem q’atenik, rech pa utzilem nojimal kakimol kib’ le winaq, xuquje’ ketob’anikj pa utz kachajixik ri winaqil e’aj iximulew. “Eri kub’sal k’u’x xuquje’ ri jikomal e’are ri’ le runimal patanib’al rajawaxik rech pa le yakon ib’ le winaqil xuquje’ rech k’o poq’san meb’il pa le jun amaq’ tinamit”.
Ruk’ le kaya’ik loq le kejch’ich’ ri’, rech kib’antajil taiwanesa, are la’ kuya nim uchuq’ab’ le jun b’anoj q’axenik pa le ub’e’al rech b’anob’al puqchajinem rech keto’ik ri winaqilal pa tinamit, rech ya’ik uchuq’ab’ le b’anoj chak kumal le taqawokajil, rech le qatinamit b’a’ kak’oji pa kub’sal k’olib’em xuquje’ rech kakowon Kub’an ri chajinem pa qatinamit.