Eri reqa’lenel ri comisarías kuk’ ri rech unidades especializadas rech ri Wokajil Ajchajin Tinamit (PNC) xkib’an k’i taq puqchajinem tzukunik rech kaq’atexik ri nik’aj taxis piratas pa taq le nimab’e rech le Atlántico, ruk’ rech ri zona 17 rech uk’u’x nimatinamit. Eri q’atenik ri’ rech keq’atexik ri e’ajb’anol ri k’ax keb’in pa le ch’ich’ ri’, rech kechajix ri winaqil che ri keb’in pa taq le ch’ich’ ri’.
Pa le q’atenik kumal ri wokajil ajchajin tinamit xkib’an uch’ob’ik uwach kitzijol nik’aj e’ajb’insal ch’ich’ xuquje’ ri winaqil e’ajb’inisaxel pa taq le ch’ich’ ri’ rech kakilo we man k’ot jun chi ke taqom uchapik tane’, jeri’ kasolixik ri ch’ich’ rech kilik we man k’ot jun tane’ eleq’am b’i chi ke xuquje’ we man k’ot awam jastaq keqam tane’.
Xuquje’ eri b’anoj q’atenik ri’ are pa komon kumal ri reqa’lenel ri Policía Municipal rech Tránsito (PMT) rech Iximulew, xkilo we keqam kiwuj ri e’ajb’insal ch’ich’ ri’. Rumal ri’, k’o tojob’al xkikoj ri’ xuquje’ e k’o ch’ich’ xkichap kanoq rumal k’o tojob’al kimak kib’anom chech ri Taqanem rech Tránsito ri’.
Ruk’ le solinem q’atenik, sib’alaj are wa’ tajin ub’anik rumal le Wokom K’amal B’e Iximulew pa uchakunik le Ministerio rech Gobernación (MINGOB), rech taqim kaq’atexik nik’aj molaj b’anol k’ax ri’ pa ukojik nik’aj taxis ilegales rech pa b’anoj k’ax. Xuquje’ rech kaq’atexik kakiriq taq chi k’ax pa taq nimab’e, xuquje’ rech k’o kub’sal b’anoj chajinem uwinaqil e’aj iximulew pa tinamit.