E k’o leb’ ixoqib’ xechapataj kumal reqa’lenelab’ le Wokajil Ajchajin Tinamit (PNC) pa le okib’al rech le Centro rech Orientación Femenina (COF), k’o pa Fraijanes, Iximulew ri’, xkichap k’ut ri al Marianela N, 47 ujunab’, xuquje al Susseth N, 44 ujunab’, e’are kab’ixik keqam b’i Q50 mil chi pwaqil rech kakiya chi la’ pa japache’.
Eri al Marianela reqam b’i Q20 mil chi pwaqil ri’ ri k’o umak ub’anom kanoq rumal xuk’ayij awan kunb’al, xe’utaqche’j le winaq rech kakitij ri awan kunb’al, xujipij uk’ayixik ri’, xuquje’ e k’o winaq xutoq’ij pwaq chi kech pa taq le junab’ 2016 xuquje’ 2019. Eri al Susseth reqam Q30 mil ri are’, xuquje’ k’o k’ax ch’ojinik, elaq’ xub’an pa 2000 xuquje’ 2018 ri’.
Eri q’atb’al tzij xkib’ij, eri nik’aj ixoqib’ che ri xechapik xe’opan pa rachoch japache’ eri pwaq ri’ keqam rech toq’inik pwaq chi kech taq winaq. Xuquje’ eri nik’a ixoqib’ xkib’ij chi e tojom Q200 rech kakikoj b’i ri pwaq xkitoq’ij rech toq’inik pwaq xkib’an ri’, xuquje’ man kekich’ob’ taj jachin ri xetaqowik chi la’.
Eri chajinem xb’an kumal reqa’lenelab’ le Sistema Penitenciario (SP) are ri’ xub’ij nim upatan rech utzukuxik uriqik ri pwaq rajil ri’ ri kab’ixik kiwam b’i ixoqib’ xe’ kichaq. Ruk’ ri kaq’atexik ri’, xya uchuq’ab’ ri ya’olchajinem pa taq le rachoch japache’ ri’ rech kab’an uq’atexik ri q’axen taq jastaq man usuk’ilal ri b’anoj k’ax kab’an pa taq rachoch japache’.