Eri ulaq’ik ri k’ak’ jastaq chakub’al ri’ are la’ jun b’anoj k’o nim upatanib’al pa le ya’ik uchuq’ab’ b’anon kichak ri taqawokajil ri’ xuquje’ ri transformación digital rech ri Wokajil Ajchajin Tinamit (PNC) ri’. Kimik ri’, eri puchajinem are ri’ kajach uwach taq pa le comisarías rech ri Distrito Central, Oriente, Sur, Occidente, Nororiente, Norte xuquje’ Noroccidente rech ri nimatinamit ri’.

Eri Ministro rech Gobernación, Francisco Jiménez, pa le tzijob’el xub’ij, chi k’o nim upatanib’al rech kakoji ri k’ak’ keme’uwachwuj pa kaqiq’ rumal ri wokajil ajchajin tinamit. Rumal ri’ “Kaqajach k’ut 1 mil 975 kemetz’ib’ab’al ruk’ 150 chi kemetz’ajib’al uwach wujil. Rumal ri’ kojtajin k’ut che uk’exik juntir uwach ri wokajil ajchajin tinamit ri sib’alaj xya kanoq utukel pa k’i taq junab’ ri’. Maja’ na kojupan pa ronojel taq ri comisarías, rech are kaqab’an na ulaq’exik taq uwach”, xcha’.

“Le K’amal B’e Amaq’ Bernardo Arévalo are uq’atam usuk’alil ub’e qachak wa’: uk’exik kiwach taq ri wokajilal rech chajinem, are wa’ man xaq katzijob’ex ri’, rajawaxik k’ut kak’ex ri’. Ri chajinem winaqilal xmajtaj pa le estación policial, we man kaqab’an chi la’, kaq’ojq’ob’ ri’ le Amaq’ Tinamit. Ix ajtaqanel rech comisarías, kaqaj taj saq’orinik on kiya ta iwanima’ che ub’anik. We ri ix kiya ta iwanima’ che ub’anik, kepe ri’ nik’aj chik che tziij kakaj kikib’an ri’” xcha’ ti xuk’is ri utzij ri Taqawokajnel Jiménez.

En k’u le Viceministro rech Tecnología rech ri Información xuquje’ ri Comunicaciones, William Cameros xub’ij che ruk’ ujachik ri chakub’al ri’ are rech kaya uq’ij le chak kakib’an pa taq ronojel q’ij ri wokajil ajchajin tinamit pa b’anik utzilal chi kech ri winaqilal xuquje’ ri chajinem pa tinamit. Xuquje’ sib’alaj xub’ij che ri puq chakub’al ri’ are kakoj ri’ pa le kojob’al  rech ri Sistema rech Registro rech Actividad Policial (RAP) ri’.

Eri cholchak ri’ are uwach ri’ le b’anob’al uchak taqom ub’anik rumal ri Wokom K’amal B’e rech Iximulew pa uchakunik ri Ministerio rech Gobernación (MINGOB) rech katerne’x uyakik uwach jun wokaj ajchajin tinamit ri sib’alaj ajno’j ajeqa’lenel, ri nim katijob’al kiq’axim rech kakib’an ri k’ak’ b’anon nimanik pa aninaqil chi kech ri winaqilal. Xuquje’ rech katoq’axik ri q’atam chakunem xuquje’ rech kakub’ax ub’anik pa usaqilal ri chajin tinamit.

Pa le nim riqon ib’ xe’opanik le Viceministra rech Antinarcóticos, Claudia Palencia, le Viceministra rech Prevención rech ri Violencia xuquje’ rech ri Delito, Mayda De León, le Director General Adjunto rech ri PNC, Helver Beltetón, le Subdirector General rech Tecnologías rech ri Información xuquje’ Comunicación, Abel Juárez, ri taqanelab’ rech taq Distrito, xuquje’ ri taqanelab’ rech taq comisarías ri’.