Eri reqa’lenel ri División Nacional rech Q’atenel taq ri Pandillas (DIPANDA) xuquje’ kuk’ ri nik’aj chik unidades especializadas rech ri Wokajil Ajchajin Tinamit (PNC) xkib’an k’iyalaj puqtzukunem ri’ pa rachoch taq tz’apib’al japache’ pa tinamit. Eri taqim ub’anik are kaq’atexik ri awan jastaq ri’ ruk’ uq’atexik pa komon b’anik ri nik’aj molaj b’anol k’ax.
Pa le tzukunem xb’an pa le Centro Preventivo kech Achijab’ rech ri zona 1 rech Xe’laju’, eri wokajil ajchajin tinamit xkiriq 20 chi ch’aweb’alil rech eqam, 21 nojisab’al rech ch’aweb’al, 18 k’olib’al tzijol SD xuquje’ ruk’ nik’aj chik awan jastaq ri e’awam pa taq k’olib’al. Are chi’ xriqik, eri jastaq ri’ xpisik xuquje’ xk’am b’i rech xsolixik xuquje’ are kuya uchuq’ab’ ri tzukunem chi rij taq ri toq’inik pwaq e b’anom.
Xuquje’ pa le rokib’al ri Gran Modelo rech Rehabilitación Pavón, k’o pa Fraijanes, Iximulew, chi la’ k’ut xechap wiri’ nik’aj ixoqib’ xkitoq’ij pwaq e’are k’ut al Yesmit N, 34 ujunab’, xuquje’ al Sheyla N, 29 ujunab’. Eri keb’ ixoqib’ ri’ e’are kab’ixik taqom loq kichapik rumal xkib’an toq’inik pwaq, rumal ri’ xek’am b’i pa taq ri q’atb’al tzij rech Escuintla xuquje’ Chimaltenango ri’.
Rumal ri’ k’o nim upatan kaya ub’ixik, che pawe q’ij ri’, eri e’ajchajin tinamit xkichap loq e 107 chi winaqib’ rumal xkib’an ri k’ax, k’o kab’lajuj chi k’aqb’al q’aq’ xriqik ruk’ job’ chi ch’ich’ ri e’elq’am b’i. Eri q’atb’al tzij sib’alaj xkib’ij chi k’o nim upatan katob’anik ri winaqil xuquje’ ri wokajil e’ajchajin tinamit pa le uq’atexik taq ri b’anoj k’ax ri’.