Le reqa’lenelab’ taq ri comisarías xuquje’ ri unidades especializadas ri’ rech ri Wokajil Ajchajin Tinamit (PNC) pawe q’ij kimik xkib’an k’i puqchajinem tzukunik rech q’atenik k’ax xuquje’ xkib’an ri ya’olchajinem pa rachoch taq japache’ pa tinamit. Eri taqim ri’ are rech kaq’atexik ri jastaq maj pa usaqil maj jun kukoj tane’ pa japache’ ri’.
Eri wokajil ajchajin tinamit pa komochak kuk’ ri Binomios K-9, ri kakisolij kakisiqo kuk’ ri winaq we man k’ot Itzel taq jastaq kakikoj b’i pa japache’. Xuquje’ ketajin che usolixik kitzijol ri winaqil rech kilik we k’o e taqom kichapik chi kech xuquje’ rech kilik we man k’ot Itzel jastaq keqam ri’.
Eri puqtzukunem ri’ are la’ kab’an pa taq le rachoch le Centro Preventivo rech Varones Anexo B xuquje’ pa Rachoch ri Japache’ kech’ Ixoqib’ ub’i’ Santa Teresa, zona 18 rech uk’u’x nimatinamit; pa Rachoch Japache’ Complejo Carcelario Fraijanes ri’; pa Rachoch Japache’ Centro Carcelario El Boquerón ri’; pa le Rachoch Japache’ ub’i’ Granja Modelo rech Rehabilitación Canadá, pa Escuintla ri’; xuquje’ pa le Granja Cantel, Xe’laju’ ri’.
Xuquje’ kojom k’olib’al tzukunem chajinik chi rij taq rachoch ri japache’, rech kesolix wi ri ch’ich’ rech kilik we man eleq’am ta b’i xuquje’ rech kilik we man k’ot keqam b’i.
Eri chajinem tzukunik ri’ are uwach ri b’anon chak tajin rumal le Wokom K’amal B’e rech Iximulew pa le uchakunik le Ministerio rech Gobernación (Mingob), rech ya’ik uchuq’ab’ ri chajinem pa taq rachoch ri japache’ ri’ xuquje’ rech uq’atexik ri b’anoj k’ax pa rachoch taq tijob’al.