Eri utaqixik rech retaxik ri b’anon ucholajil ri’ rech uya’ik uchuq’ab’ ri ya’tal kachajixik ri winaqilal ri’, rech kaq’atexik ri b’anoj taq k’ax, ri kakib’an ri k’ax ri’, le Ajek’exwach K’amal B’e Amaq’ nan Karin Herrera, kimik xk’oji pa jun riqob’al ib’ rech chak ruk’ ri Ministro rech Gobernación, Francisco Jiménez ri’. E’are jun xek’oji ri Viceministro rech Seguridad, José Portillo ri’; ri Viceministra rech Antinarcóticos xuquje’ Seguridad Fronteriza, Claudia Palencia ri’; xuquje’ ri Director General rech ri Wokajil Ajchajin Tinamit (PNC), David Custodio Boteo ri’.
Are wa’ uwach le riqon ib’, le Uk’exwach k’amoj B’e Amaq’, Nan Herrera, kuk’ ri q’atb’al tzij rech ri Taqawokajil Ya’olchajin Tinamit, xb’an k’ut jun nim cholb’inem pa nim Wokomja rech Gobernación, k’o pa le zona 1 rech uk’u’x nimatinamit. Eri qas xutaqij le rilik rech kurilo le chak kab’an pa le wokajilal ri’, xuquje’ rech ri chak kab’anik rech kakub’isax ri chajinem tinamit winaqil, ri chajinem pa Iximulew.
K’o jun k’olib’alil che ri qas xe’opan wiri’ ri Centro rech Comando xuquje’ Control Tecnológico rech Gobernación, chi la’ le Uk’exwach K’amal B’e Amaq’, nan Herrera, sib’alaj xuya utzijoxik ri nimachak kab’an pa le wokajilal ri’, rech ya’ik uchuq’ab’ ri cholchak rech ciberintelingencia ri’, rech kakojik ri k’ak’ uwachib’al kemechokonsab’a pa tinamit. “Eri eqale’mchak kab’an ri are: kachakuxik ri kachajixik ri winaqilal”, xcha’.
Rumal ri’, le Ministro Jiménez xuya ub’ixik chi rij ri uchak upatan ri chakuja ri’ xuquje’ xub’an utzijoxik ri kemb’anowem xuquje’ ri cholchak puqtzukunem xb’an pa le utaqanik, rech ri uq’atexik ri b’anoj k’ax, rech ub’anik ri chajin tinamit xuquje’ rech nab’ejsaxik uq’atexik b’anoj taq k’ax, rech ya’ik uchuq’ab’ ri chajinem pa tinamit xuquje’ rech kaq’atexik taq b’anoj k’ax, ruk’ taq ri ciberdelitos ri’.
Pa le uq’ijol ri’ xuquje’ xb’an jun riqon ib’ rumal le Ajek’exwach K’ax Amaq’, Nan Herrera, kuk’ rajchomanelab’ wokajilal xuquje’ kuk’ Comisión Presidencial rech Coordinación rech ri Esfuerzos Contra ri Lavado rech Pwaq/rajil xuquje’ jastaq, ri Financiamiento rech ri Terrorismo xuquje’ ri Financiamiento rech ri Proliferación rech Armas rech Destrucción Masiva (COPRECLAFT) ri’.
Pa le riqon ib’ xutzijox jalajoj uwach taq runimal tzij, jacha ri suk’ub’anem rech kab’an na le Evaluación Mutua, ri ya’ik uwi’ le uq’ijol ri uchak ri comisión, rumal ri’ xchob’ik le q’ij rech kab’an ri riqon taq ib’ xuquje’ rech kach’ob’ jachike q’ij kakiriq kib’ pa junab’ ri’. Xuquje’ xb’an urtzijoxik ri Desarrollo rech ri Pleno rech taq Representantes xuquje’ ri Equipos rech ri Ucholchak ri Grupo rech Acción Financiera rech Latinoamérica (GAFILAT) ri’.