Eri reqa’lenelab’ ri Wokajil Ajchajin Tinamit (PNC) pa komon q’atoj chakunem kuk’ rajchak ri Municipalidad rech Guatemala, pa le zona 10 uk’u’x nimatinamit, xkib’an ri puqtzukunem q’alanik pa wokajilal rech ya’ik uchuq’ab’ ri ya’olchajin winaqilal xuquje’ rech rilik we k’o pa usaqilal taq ri k’ayib’al ri’.
Pa le solinem xkib’an pa taq b’anob’al xojowem (discotecas), pa taq tijob’al tzam (bares), xuquje’ pa taq centros nocturnos rech chi la’ k’ut, eri reqa’lenelab’ ri ajchajin tinamit kuk’ ri rajchajinel taq q’atb’al tzij xki’ub’isaj ub’ixik che pa taq ri k’ayib’al ri’ man k’ot e’ak’alab’ xeriq chi la’ k’ut.
Eri wokajil ajchajin tinamit ri’ xkib’an usolixik kiwujil ri winaqib’ chi la’ rech xkilo wene’ k’o jun chi kech taqom tane’ uchapik loq’ xuquje’ rech xkilo wene’ k’o awam jastaq k’amom tane’ b’i rech kakoj che b’anoj k’ax.
Xuquje’ sib’alaj e k’i ri e’ajchajin tinamit xetaq pa chajinem chi rij taq ri k’ayib’al chi la’ k’ut rech taq xq’atexik ri b’anoj taq k’ax xuquje’ rech xkub’isax ri chajin winaqilal ri’.
Pa taq le tzukunem xb’anik, e k’o k’ayib’al xetz’apixik rumal man k’ot kiwujil rech kakib’an tane’ ri k’ay chi la’ pa tinamit. Rumal ri’ eri Q’atb’al Tzij rech Asuntos Municipales, are xutaq katz’apixik pa aninaqil ri b’anoj taq k’ayinik chi la’.