K’o jun nimaq’ij b’anoj etz’anem xb’an pa le uroxlaj uwach ri opanriqonem ub’i’ “Ink’asal in maj Awan Kunb’al, Tú Decides 5K”. Eri etz’anem rech etab’anem xmajtaj pa le Parque Erick Barrondo, k’o pa le zona 7, ri xk’is pa le rachoch le Dirección General rech ri Wokajil Ajchajin Tinamit (DGPNC), zona 1 rech uk’u’x nimatinamit.
Le Viceministra rech Antinarcóticos xuquje’ rech Seguridad Fronteriza, Claudia Palencia, ruk’ le Subdirector General rech Análisis rech Información Antinarcótica rech ri PNC, Wilber Arreaga, kuk’ ri ajtaqanel ajchajin tinamit, xek’oji pa le etz’anem opanriqonem. Pa le cholib’em opanriqonem xek’oji e 3 mil chi e’ajxik’inelab’ e are jun ak’alab’, ab’om, alitom; Achjiab’, Ixoqib’ xuquje’ ri K’ax e’alaxinaq.
Le nan Palencia sib’alaj xuya ub’ixik chi k’o nim upatanib’al kab’an ri b’anowem ri’ rech kuwa’lisax uwach ri utz k’aslemalil xuquje’ rech man k’o wi awan kunb’al chi kuxo’l le winaqilal. Xuquje’ xub’ij che ri etz’anem opanriqonem ri’ are junam ub’anik xb’an pa nik’aj chik nimatinamit, jacha El Salvador, Honduras, Venezuela, jeri’ pa nik’aj ri’.
Pa le etz’anem rech opanriqonem xuquje’ xek’oji le Policías Alumnos rech ri Academia rech ri PNC, xuquje’ xek’oji le uwinaqilal le Grupo Aquarunners Guatemala xuquje’ le undación Simbiosis. E k’o k’ut e’oxib’ k’olib’al rech chi kech ri xech’akonik, pa ya’ik ri na’tib’al chi kech rumal xkikoj kichuq’ab’ ri’.