Eri reqa’lenelab ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap jun extraditable, e’are k’ut a Everardo Ananías Sis Pop, 35 ujunab’, ukojomb’i’aj “El Chino”. Ri are xchapataj pa jun tzukunem xb’an pa le kilómetro 182, pa rulewal ri Tactic, Alta Verapaz ri’.
Le Ministro rech Gobernación, Francisco Jiménez, pa le uwachwuj ub’i’ X, sib’alaj xuya uq’ij le chak tajin rumal le wokajil ajchajinelab’ rech q’ateb’al awan kunb’al ri xkichap ri’ le jun extraditable ukojomb’i’aj “El Chino”, jun chi kech ri qas tajin utzukuxik.
Eri Sis Pop taqom loq uchapik rumal le Corte Distrital rech ri Estados Unidos rech ri Distrito Este rech Texas, rumal eri umak are xub’an uk’ob’ik le job’ pajb’alil rech awan xalam kunb’al ri k’o cocaína ruk’.
Eri tzukunem xuq’alisaj, che le jun Chino are winaq ri jun molaj b’anoj k’ax ri e’ajk’ayin awan kunb’al, k’a pa 2016 k’a pa abril rech 2024, ri xub’an ri k’ax ri’ pa le América del Sur, Central xuquje’ pa le Norte ri’. Pa le q’ij ri’, le Sis Pop eri rilik ri’ k’o xuchomaj k’o ri xuk’am ub’e rech utaqik b’i le awan kunb’al cocaína ri’.
Con su aprehensión, suman 16 los extraditables detenidos en lo que va del año. Del total, 9 han sido capturados por narcotráfico y 7 más por otros delitos. Estas acciones fortalecen las estrategias lideradas por el Gobierno del Presidente Bernardo Arévalo a través del Ministerio de Gobernación (Mingob), en la lucha contra el crimen organizado transnacional.
Ruk’ uchapik ri’, e k’o waqlajuj chi extraditables e chapom chik pawe junab’ ri’ pa konojel e k’o 9 e chapom chik rumal e k’o pa narcotráfico xuquje’ e k’o wuqub’ chik k’o ri kimak. Eri kichapik ri’ are la’ kuya uchuq’ab’ ri chakunem tajin rumal le Wokom K’amal B’e Amaq’ Bernardo Arévalo pa le uchakunik le Ministerio rech Gobernación (Mingob), pa le kaq’atexik ri molaj b’anol k’ax pa taq nimatinamit.