Ri jaqib’al uwach ri Rachoch K’olib’al ri Japache’ Tz’apib’al rech Coatepeque, pa Xe’laju’, are ri’ jun uk’exwachixik ri nim retal chakum pa ri uya’ik uchuq’ab’ ri taqanem pa japache’ tz’apib’al xuquje’ rech ri b’anoj niman k’ak’ suk’umalil q’atoj tzij. Pa le q’ijol ri’, eri patanib’alil rech pa ri japache’ tz’apib’al ri’ are xq’axex ri’ rumal ri Wokajil Ajchajin Tinamit (PNC) k’a pa le K’amoj Ub’e ri Rachoch Japache’ Tz’apib’al (DGSP).

Eri Ministro rech Gobernación, Francisco Jiménez, are xuk’am ub’e ri jaqemtzij ri’ ruk’ ri Viceministro rech Seguridad, José Portillo; ruk’ ri Viceministro rech Seguridad, José Portillo; ruk’ ri  Diputado rech ri Congreso rech ri Amaq’ Guatemala rech Xe’laju’, Byron Rodríguez; ruk’ ri Magistrado rech ri Corte Suprema rech Justicia (CSJ), René Girón; ruk’ ri  K’amal B’e rech ri Rachoch Wokajil Japache’ Tz’apib’al (SP), Ludin Godínez; ruk’ ri K’amal B’e rech Operaciones, Jacinto Quiché; xuquje’ kuk’ rajtaqanelab’ ri wokajil chajin tinamit.

Eri rachoch japache’ tz’apib’al ri’ are xb’anik rech chi la’ pa kub’al k’u’x ketz’apix wi ri winaqib’ xuquje’ chi la’ kanimax wi uwach ri ya’tal chi kech ri’.
Xuquje’ are sib’alaj k’o wi jun utz chokonsab’al rech videovigilancia pa juntir chi rij apanoq, xuquje’ ri kab’an wi ri chajinik chi paq’ij chi chaq’ab’ ri’.

Eri b’anowem ri’ are uwach ri’ ri b’anoj chajinem taqom ubanik rumal ri Wokom K’amal B’e Amaq’ Iximulew pa reqele’n ri Ministeri rech Gobernación (MINGOB) rech kajikib’ax uwach ri chajinem pa taq ri japache’ tz’apib’al, jeri’ rech uq’atexik taq ri b’anoj k’ax pa taq rachoch japache’ tz’apib’al ruk’ ri kub’al k’u’x chajinem pa rulewal tinamit.