K’o lajuj chi eqa’n ruk’ awan kunb’al xriqitaj kumal ri reqa’lenelab’ r ajchajinelab’ ri División rech Puertos, Aeropuertos, xuquje’ Puestos Fronterizos (DIPAFRONT) rech ri Wokajil Ajchajil TinamiT (PNC), are chi’ xkisolij jun b’inisam ch’ich’ chi uchi’ ri nimaja’ ub’i’ río Naranjo, pa le k’ulb’a’til k’o chuxo’l ri Ayutla xuquje’ La Blanca, San Marcos.
Are chi’ xriqitajik, xesik’ix ri reqa’lenelab’ ri Subdirección General rech Análisis rech Información Antinarcótica (SGAIA) rech ri PNC, ri xkib’an retaxik rilik ri eqa’n awan kunb’al, ri xq’alajinik rech marihuana ri’.
Eri xpajan ri awan kunb’al xriqitajik are kopan pa 104.3 chi ujpajib’al ri’, eri rajil kab’ixik qaraj k’o Q200 mil chi pwaqil ri’. Ruk’ ri katob’anik ri q’atol tzij rech ri MP, eri nik’aj eqa’n xepisik rech xk’am b’i’, rech te k’uri’ kaporoxik. Chi rij wari’ eri q’atb’al tzij xkimaj ub’anik utzukuxik uwach rech kakiq’alajisaj jachin ri winaq e’ajmak chi rij ri’ rech kakichap loq.
Rumal k’u ri’ kaya utzijolil chewe b’anoj tzukunem q’atenik ri’ are la’ rech kaq’atexik ri narcotráfico ruk’ ri b’anoj taq k’ax chi rij ri’, are wari’ xuya pa retalil rech xb’antaj kowonem xriqitajik 845.51 upajib’alil ri awan kunb’al ub’i’ cannabis, jeri’ ruk’ uriqik uporoxik ri qaraj k’o jun millón raqan chi ichaj tikom rech marihuana ri nima’q chik raqan ri katajin chik reche’xik uwach, are wa’ ri riqom chik pa junab’ ri’.