Ri kataqik pa kawokajil ri reqa’lenel ri Wokajil Ajchajin Tinamit (PNC) keriqitaj pa taq k’olib’al rech pa tinamit, jacha pa taq ja k’olme’r, pa taq cajeros automáticos, pa taq rachoch k’ayib’al, pa taq k’ayib’alil, pa taq cajas rurales, pa juntir ri’.
Sib’alaj k’o ri chajinem tajin ub’anik kumal ri ajchajin tinamit rech uq’atexik taq b’anoj k’ax ri’, rech kato’ik ri winaqilal pa le uq’ij tojob’al ri Bono 14 ri’.
Eri wokajil ajchajin tinamit xkib’inisaj ri chajinem che kaqan, chi rij taq kejach’ich’ pa taq k’olib’alil pa tinamit, rech k’o ri k’olib’al chajinem pa taq nimab’e, rech kakilo katzijol ri winaqil, rech kakilo wexa’ e k’o taqom loq kachapik, rech kakilo we tajin kakinimaj ri b’anoj Taqanem rech Tránsito ri’.
Pa taq ri k’olib’al chajinem kesolixik ri ch’ich’, kejach’ich’ e b’insam, ch’ich’ rech ereb’al winaq, rech alilaj taq eqa’nib’al jastaq, rech kilik wexa’ k’o awan jastaq k’amom b’i ri kub’an k’ax che ri kak’aslemal ri winaq, rech kub’an tane’ k’ax che ri jjastaq, meb’il kech ri winaqilal. Xuquje’ rech kilik we ch’ich’ e b’insam wexa’ e’elq’am b’i.
Eri Ministro rech Gobernación, Francisco Jiménez, sib’alaj xub’ij che ri puqchajinem tzukunik are tajin kumal ri wokajil ajchajin tinamit rech utz kechajin chi ke ri winaqilal xuquje’ rech kakikub’isaj ri b’anoj chajinem winaqilal pa tinamit.
Rumal ri’, eri K’amal B’e rech ri PNC, David Custodio Boteo, xub’ij che ri xesaj ri kuxlanik ri ajchajinelab’ ri’ rech e k’o k’i ketaq che ri qas e rajawaxik wiri’, rech pa aninaqil kab’an ri ilonem wexa’ k’o ri k’ax kak’ulmataj ri’.
Xuquje’ rech ke’ilik ri winaqil wexa’ kakik’ulmaj tane’ ri k’ax pa le uq’ij tojob’al ri pwaq chi kech, eri wokajil ajchajin tinamit kakib’an ri pixab’nik rech kakiq’al ri winaqil, rech man kakeqaj taj chom pwaq kab’otomaj, rech are utz we are kakiq’axe’j pa ukojik ri banca virtual rech kakib’an ri katojonik, rech chakib’ana kuwenta are chi’ kakesaj ri kapwaq kirajil pa taq cajeros, pa ja k’olme’r, pa taq cajas rurales.
Eri b’anoj chajinem katajinik are uwach ri Plan rech Seguridad 30-2025 “Bono 14” ri’, are utaqim ub’anik rech uq’atexik ri b’anoj taq k’ax ri’ rech qas kechajixik ri wniaqilal pa uq’ijol ri tojob’al ri bonificación chi ke ri winaqil kechakunik pa taq tinamit. Kab’an jun nim na’teb’al chi ke ri winaqilal wexa’ k’o k’ax kakilo kab’anik chakib’ij loq pa 110 rech ri PNC; pa 1531 rech ri Centro Anticorrupción Policial, xuquje’ pa 1561 Crime Stoppers ri’.