Pa konojelil ri reqa’lenelab’ ri Wokajil Ajchajin Tinamit (PNC) xkib’an ri puqtzukunem chajinik pa Uk’u’x ri Nimatinamit Iximulew. Eri wokajil ajchajin tinamit k’o k’olib’al chajinem xkikoj ri’, rech chi la’ k’ut xkisolij we taqom loq kachapik ri e’ajb’insal ch’ich’, rech xkilo we keqam kiwujil, xuquje’ rech xe’ilik we kanimam utzij ri Utaqanik ri Tránsito ri’.
Xuqjje’ kakib’an kasolixik taq ri ch’ich’ e b’insam kuk’ ri kejach’ich’ rech kilik we man k’ot awan jataq kunb’al keqam, rech ke’ilik we elq’am taj, we e kech taj ri molaj b’anol k’ax pa tinamit ri’.
Eri Vicemnistro rech Seguridad, José Portillo, are maja’ na kumaj ub’anik ri tzukunik ri’, xuya uq’ij ri wokajil ajchajin tinamit rumal are k’o nim upatan pa le b’anik utzilem chi ke ri winaqilal ri chajinem pa tinamit. Xuquje’ xub’an jun nim ub’ixik chi kech, rech kaya b’a’ ronojel kanima’ kakitoq’ij ri b’anoj chajinem winaqilal ri’.
Rumal k’u ri’, ri K’amal B’e rech ri PNC, David Custodio Boteo, xe’utaq konojel ri eqa’lenelab’, rech kakitern’ej ub’anik ri chajinem rech ya’ik uchuq’ab’ ri kichak kakipatan ri ajchajin tinamit pa le kachajixik ri winaqilal ri’.
Pa taq le tzukunem q’atenik ri’, eri wokajil ajchajin tinamit xkib’an k’i taq puqchajinem tzukunik pa taq bares, hoteles, xuquje’ pa nik’aj chik nimaja, achochib’al rech xkisolij we man k’ot k’ayin awan kunbal kab’an tane’ chila’. Jeri’ xb’an rilik we man k’ot ak’alab, ab’om alitom ri e’ajq’axel b’i pa tinamit ri’ pa nik’aj taq ja k’olib’al ri’.
Eri reqa’lenel ri wokajil ajchajin tinamit ri’ keriqitaj che chajinik pa taq cajeros automáticos xuquje’ che ri qas keriqitaj wi e k’i winaqilal, rech b’a’ kaya uchuq’ab’ ri chajinem winaqil pa tinamit ri’ rumal xopan ri uq’ijol ri katoj ri Bono 14 ri’. Rumal ri’ pa konojel (100%) ri’ keriqitaj ri wokajil ajchajin tinamit pa amaq’il. Eri q’atb’al tzij ri’ kakib’ij chi ke ri winaqilal rech kakeqaj taj chom pwaq pa kib’orxa pa kik’olib’al ri’ rech keleq’ax ta kuk’ kumal taq ri elaq’omab’.