Eri reqa’lenelab’ taq ri comisarías xuquje’ ri unidades especializadas rech ri Wokajil Ajchajil Tinait (PNC) sib’alaj ketajin che b’anoj puqchajinem ri’ rech uq’atexik taq b’anoj k’ax xuquje’ rech kakub’isax ri kachajixik ri winaqilal pa uq’ijol rech katojik ri Bono 14. Eri b’anoj chajinem ri’, are rech ketaq e k’i eqa’lenelab’ chajin tinamit pa jalajoj taq k’olib’alil rech pa uk’u’x nimatinamit rech Iximulew.

Eri wokajil ajchajin tinamit xkib’an retz’b’exik jujun taq k’utb’al b’anowem kuk’ taq ri e’alaxik winaqilal che ri kewa’katik keq’axik pa le Paseo de la Sexta, chi la’ k’ut che ri xkoj wi jun kiosko taq b’anoj retz’b’exik ub’ixik tzijolil, che ri xjach wi wuj rech tzijolil rech pixab’nik chi kech ri winaqilal.

Pa le q’ijol ri’, eri e’ajchajin tinamit xkiya ri taqonem ub’ixik ri’ rech keq’alik ri winaqil rech mejo’stajik keqaj pa kaq’ab’ e’ajb’anol k’ax. Jeri’ eri keqa’lenelab’ nik’aj wokajil ajchajin tinamit, che kaqan xuquje’ chi rij kejach’ich’ xkib’an ri puqchajinem tzukunik pa taq k’olib’alil, pa taq nimab’e uxo’l ja pa uk’u’x nimatinamit.

Eri b’anowem ri’, are la’ xtaq ub’anik rumal ri Wokom K’amal B’e Amaq’ rech Iximulew pa reqele’n uchak ri Ministerio rech Gobernación (MINGOB) ri’, ri xb’antaj ri’ ruk’ jun 100% rumal ri Wokom K’amal B’e Amaq’ pa keqele’nik ri wokajil ajchajin tinamit, rumal e’are keriqitaj che kachajixik ri winaqilal xuquje’ kakiya uchuq’ab’ ri chajienm pa tinamit.