E k’o job’ winaq e tz’apilik pa rachoch japache’ xechap b’i kumal reqa’lenelab’ ri Wokajil Ajchajin Tinamit (PNC) are chi’ xkib’an ri jun ch’ojinik iwir pa Rachoch Tz’apib’al rech Puerto Barrios, Izab’al ri’. e’are k’ut a Bryan López, 28 ujunab’, ri q’ab’em ub’i’ “Charita” ri’; a Manuel Palma, 24 ujunab’, uq’ab’emb’i’aj “Chus” ri’; a David Rodas, 23 ujunab’, ri ub’i’ kab’ixik “Sayas”; a Edgar Palma, 29 ujunab’, uq’ab’emb’i’aj “El Mister”; xuquje’ a Edgar Rosado, 29 ujunab’, alias “Tiniebla”.
Eri nik’aj uwinaqil ri Mara Salvatrucha ri’ (MS-13) e’are kab’ixik xkiksamisaj e keb’ winaq e tz’apilik pa rachoch ri tz’apib’al ri’. Eri nik’aj winaq xechapik e’ajpache’ e tz’apil ri’ rumal k’o winaq kikamisan ri’, pa molajil k’o kib’anom k’ax, e k’o winaq kixib’im, kib’anom choman kamisanik, k’o winaq kikamisam, e k’o winaq kitaqom kakamisaxik xuquje’ e k’o kakamisam ri’.
Pa kachapik ri’, eri wokajil ajchajin tinamit k’o jun k’aqb’al q’aq’ xkiriqo, ruk’ jun tolva, xuquje’ ruk’ 29 chi ub’aq’ k’aqb’al q’aq’. Eri jun k’aqb’al q’aq’ ri’ are kab’ixik xeleq’axik pa 24 rech septiembre rech 2023. Are chi’ xtzukux loq kumal e’ajchajin tinamit, kimik eri nik’aj winaq ri’ xek’am b’i pa taq q’atb’al tzij rech kechomaxik chi rij taq ri k’ax xkib’ano.
Rumal k’ut pa aninaqil xe’opan ri reqa’lenel ri PNC xuquje’ xb’an pa aninaqil ri komon tzukunem kuk’ ri reqa’lenelab’ ri Wokajil Japache’ Tz’apib’al ub’i’ (SP) are ri’ xub’an uptan rech xb’antaj kowonem xechapik nik’aj winaq e tz’apilik ri’, rech xeq’atexik xechapik xuquje’ rech xtikib’ax pa jumul chik ri chajinem pa rachoch ri japache’ tz’apib’al ri’.