Pa le Nimaja rech ri Ministerio rech Gobernación (MINGOB) xb’an ri oxib’ riqon ib’ rumal ri Komon K’amal B’e pa Tinamit rech Servicio Cívico; eri b’anowem ri’ are xk’am ub’e ub’anik rumal ri Ministra rech Prevención rech ri K’ax xuquje’ rech ri Makaj, Mayda de León xuquje’ ri taqawokajnel rech ri Secretaría Ejecutiva rech Servicio Cívico, Sebastián Hernández ri’.
Eri Viceministra De León, sib’alaj xub’ij chi k’o nim upatanib’al ri servicio cívico ri’ chi kuxo’l ri winaqilal. Xuquje’ sib’alaj xub’ij chi k’o nim upatanib’al ri kitatab’enik ri e q’apojilal, rech ke’ok che nimanem pa taq ri cholchak rech b’anon utzilem yakon ib’ ri’, pa komon molajil xuquje’ pa le no’jk’aslemalil nimanem pa tinamit.
Rumal k’u ri’, eri Secretario Ejecutivo rech ri Servicio Cívico, Sebastián Hernández, xkiterne’j ri rilik ri chajinem pa taq ri juk’al keb’ tinamit ri’, kuk’ ri komon chi la’ k’ut, ri k’uttijoninem, ri komon chomanem, ri uta’ik utzijol kuk’ taq ri komon ajchomanelab’ rech ri wokaj taqanib’al pa amaq’ chi rij taq ri cholchak xuquje’ rech kakojik taq ri komon pa taq wokajilal ri’.
Pa le riqon ib’ ri’ xuquje’ xek’oji ri ajchomanelab’ rech taq ri Wokajilal rech ri Amaq’ che ri e k’o pa le K’amal B’e rech Komon ri ketatab’en pawe cholchak ri’. pa ri riqon ib’ chomanem ri’ xutzijox wi ri chak b’anom, ri chak b’anom pa taq wokajilal xuquje’ ri cholchak rech kapatanexik kuk’ ri e’ajpatan rech servidores cívicos pa rulewal tinamit.