Rumal xterne’x jun b’iw b’ixik kumal winaqilal, xuquje’ rumal pa aninaqil eri Wokajil Ajchajin Tinamit sib’alaj xkito’o jun alaj, ri k’amom b’i pa jun ch’ich’ b’inisam kumal nik’aj ajb’anol k’ax, xb’antaj kowonem k’ut xechapataj e oxib’ chi ajb’anol k’ax chi rij ri’, pa le nimab’e kab’e pa le Cementerio General, cantón Agua Tibia, Palencia ri’.
Eri reqa’lenelab’ ri comisaría 12 xkita utzijol chi e k’o nik’aj winaq e b’enaq chi la’, e oxib’ chi ajchijab’ ri xkiyut b’i jun ala waqlajuj ujunab’ ri xkik’am b’i pa jun ch’ich’ kib’insam marca Sción. Pa aninaqil k’ut xkimaj utzukuxik ri jun ch’ich ri’ ri xkiriq loq chi la’, ri sib’alaj ketajin che uch’ayik jun ala chi upam.
Rumal k’u ri’ xechap a Marlon “N”, 27 ujunab’, Luis “N”, 21 ujunab’ xuquje’ a Roni “N” 47 ujunab’ ri’ ri xk’am b’i ruk’ jun ajkun rech xkunax chi la’ k’ut.
Ruk’ ri q’atenik xb’antaj ri’, ruk’ wa’ kuk’ut wi ri chakunem katajin rumal ri Wokom K’amal B’e Amaq’ rech pa le kachajixik konojel ri winaqilal, rech ub’anik ri chajinem pa tinamt. Jeri’ kuk’utu ri upatanib’al ri b’iw b’ixik kumal taq ri winaqil pa 110 rech PNC, pa le 1531 rech ri Centro Anticorrupción Policial xuquje’ pa le 1561 rech Crime Stoppers, chi paq’ij chi chaq’ab’ ri’.