Eri tzukunelab’ rech ri Comando Antisecuestros rech ri Wokajil Ajchajin Tinamit ub’i’ (PNC), ri xkiterne’j utzukuxik uchapik jun winaq ri’, ri xtaq loq uchapik pa le 10 avenida xuquje’ 19 calle zona 1 rech ri uk’u’x nimatinamit, are k’ut a Cristian “N”, 21 ujunab’, ri are rumal k’o elaq’ winaq xub’an ri’, xtaq uchapik pa le 23 rech julio rech pa junab’ ri’.
Eri jun nim uchapik jun b’anol k’ax xb’antaj ri’ k’o im upatanib’al, are chi’ xterne’x rij jun achi ri xreleq’aj b’i jun alaj ali k’ate wuqub’ ujunab’, pa le 10 rech abril rech pa junab’ ri’, pa Alta Verapaz, ri xutoq’ij Q150 mil chi rij ri’ rech kutzoqopij loq. Pa utzukuxik, xqitaj loq jun ch’aweb’al ruk’, ri are la’ kuya uchuq’ab’ ri tzukunem chi rij wari’.
Rumal ri’ xechap ri al Irma “N”, 42 ujunab’, are kab’ixik xreleq’aj winaq’ ri’, ri are xchapík are chi’ xb’an jun tzukunem pa San Pedro Carchá, pa 25 rech julio kanoq.
Eri q’atb’al tzij xkib’ij sib’alaj k’o nim upatanib’al ri b’uw ub’ixik kumal ri winaqilal are chi’ we kakilo k’o ri k’ax kab’an ri’, rech pa aninaqil kab’an utzukuxik ri’ pa awalik.