Eri Wokajil Ajchajin Tinamit (PNC) xumaj ub’anik jun puqtzukunem chajinik ri’ ruk’ ri uq’atexik taq ri b’anoj k’ax pa le uq’ijol ri cholchak rech 33-2025 Fiestas Agostinas are rech kab’an ri chajinem xuquje’ rech kechajixixik ri winaqilal salvadoreños e’ajwa’katelab’ xuquje’ kuk’ ri winaqil che ri ke’ok loq pa Iximulew ri’.
Eri wokajil ajchajin tinamit e’ajb’anol rech ri chajinem turística Disetur, xuquje’ Seguridad rech fronteras, Dipafront xuquje’ rech kek’oji pa k’olib’al chajinem xuquje’ ub’inisaxik ri chajinem pa taq nimab’e xuquje’ che ri keq’ax wi e k’i ch’ich’ ri’. Jeri’ pa taq le k’ulb’a’til, che ri kab’an wi ub’ixik chi ke ri e wa’katelab’.
Eri chajinem ri’ rech rilik kitzijol ri e wa’katel rech rech kilik kakinimaj ri rajawaxik pa ucholajil, xuquje’ kab’an kachb’ilaxik pa taq ri k’ulb’a’til pa amaq’il k’a pa taq ri uxlab’anb’alil. Xuquje’ eri rajchakunelab’ ri DISETUR e taqom chik pa le kachomaxik ri winaqil e wa’katelab’.
Xuquje’ kaya utzijol ub’ixik chi rij ri upatanib’al ri rajilab’al ri ch’aweb’al xuquje’ rech WhatsApp +502 51631499, rech are rajawaxik chi ke ri e wa’katel winaqil wexa’ kakaj keno’jixik, rech wexa’ rajawaxik kakita loq katob’anik ri e’ajchajin tinamit wexa’ k’o ri k’ax kakik’ulmaj.
Eri jun retal ch’aweb’al rech ub’ixik loq are kopan pa le PNC.
Eri q’atb’al tzij rech ri Ministerio rech Gobernación xuquje’ rech ri PNC, xikib’ij che ri b’anowem ri’ are taqim rech pa utzilem kub’al k’u’x kek’oji b’a’ xuquje’ rech pa joremal keb’inik kewa’katik ri’ pa taq le nimaq’ij rech we ik’ agostinas ri’ pa ronojel ri amaq’ nimatinamit rech pa kub’al k’u’x kak’oji ri’.