Le Viceministra rech Antinarcóticos xuquje’ Seguridad Fronteriza, Claudia Palencia, xopan pa jun solinem pa taq le delegaciones rech SGAIA xuquje’ DIPAFRONT rech ri Wokajil Ajchajin Tinamit ub’i’ (PNC) pa le frontera rech Valle Nuevo, Jutiapa, are taq uwach ri b’anowem k’o pa le ropanb’alil ri Cholchak rech Chajinem rumal le Fiestas Agostinas ri’.
Pa ilob’anem ri’, e’are jun xek’oji chi’ le q’atb’al tzij rech ri PNC, ri xkiya jun ub’ixikil pa uwi ri chak b’anom xuquje’ ri xchakux uwach pa taq le uq’ijol xpatanexik ri cholchak ri’. Sib’alaj xya ub’ixik ri’ che ri xchakuxik are la’ uwach are ri’ ri xb’an pa komon chakunem kuk’ taq ri wokajilal, jacha’ ruk’ ri Instituto Guatemalteco rech Migración xuquje’ ri Superintendencia rech Administración Tributaria (SAT) ri’.
Le Viceministra Palencia xuya uq’ij ri tijowchuq’ab’ chak tajin kakib’an ri eqa’lenelab’ che ri e taqom pa chajinem pa le k’ulb’a’til juyub’, xuq’ansaj uq’ij chak tajin ub’anik rech ya’ik uchuq’ab’ ri chajinem xuquje’ ri kub’al k’u’x chi ke ri winaqil. Xuquje’ xya ub’ixik ucholajil chi ke ri e wa’katel winaq che ri e petinaq pa taq nimab’e, xuquje’ xya uchuq’ab’ ub’ixik ri q’atenik k’ax ri’ xuquje’ ri b’anoj ilonem chi ke ri winaq e wa’katel ri’.
Pa le ropanik chi la’, le Viceministra sib’alaj xub’ij ri nim upatanib’al rech pa amaq’el kab’an ri chajinem pa taq ri k’ulb’a’t juyub’ri’ rech kaq’atexik ri narcotráfico, ri k’ayin awan jastaq xuquje’ ri ch’ijom k’ax chi ke ri winaqil. Xub’ij k’ut che ri uq’ij ri Fiestas Agostinas pa le ke’opan wi e k’i chi winaqilal ri’, rumal ri’ sib’alaj rajawaxik katoq’ax ub’anik ri chajinem chi la’ k’ut.
Pa k’isb’al ri’, le nan Palencia xub’ij chewe b’anoj taq solinem ri’ are la’ kuya pa retal rech kab’an utz chech ri chajinem pa taq rulewal tinamit, sib’alaj rajawaxik b’a’ kab’an utz che ri b’anoj ya’olchajinem ri’. Xuquje’ sib’alaj xuya ub’ixik che ri eqale’n chak ri’ rumal le Ministerio rech Gobernación are la’ rech katerne’x ya’ik uchuq’ab’ ri chajinem pa wokajilal rech kachajixik ri winaqilal ri’ xuquje’ rech qastzij b’a’ k’o ri fronteras seguras ri’.