Eri komonchak xb’an kumal ri jalajoj uwokajilal ri’ rech ri Wokajil Ajchajin Tinamit (PNC) k’o jun utzilaj q’atenik xkib’an paq’ij jueves 14 rech agosto ri’. Pa jalajoj taq puqtzukunem chajinik xkib’an ri’, ri reqa’lenelab’ ri wokajil chajinem pa tinamit, xb’antaj wi kowonem xechapataj loq nik’aj uwinaqil molaj ajb’anol k’ax ri’pa Retalhuleu xuquje’ pa San Marcos. Are wa’ xb’antaj kowoenm kuk’ rumal ri kichakunik ri ajeqa’lenel tzukunem, xuquje’ are uwach ri’ ri b’iw ub’ixik loq kumal ri winaqil xuquje’ rumal xterne’x rech xeq’alajisax ri’.
Pa San Sebastián, Retalhuleu, xeriqitaj loq oxib’ chi k’aqb’al q’aq’, ruk’ kajib’ chi k’aqb’alil e kupkip, ruk’ taq k’i ub’aq’ k’aqb’alil, ruk’ jun chaleco antibalas, ruk’ keb’ radiocomunicadores xuquje’ ruk’ awan kunb’al xriqitajik ri xb’an uq’alajisaxik kumal ri reqa’lenelab’ ri Subdirección General rech Análisis rech Información Antinarcótica (SGAIA) ri’ rech ri PNC. Eri ajtzukunelab’ xkib’ij, che qaraj are wa’ ri cocaína xuquje’ ri marihuana ri’.
Chi la’ k’ut xechapataj wi loq e kajib’ chi winaqil ri’ ri xek’am b’i pa taq ri q’atb’al tzij rech kechomaxik chi rij taq ri taq xkib’ano, chi rij taq ri jastaq xriqitaj kuk’ ri’. Xuquje’ xeriqitaj loq k’i chi jastaq ri qaraj are la’ xkojik rech xb’anik xuquje’ rech xjachik ri awan kunb’alil xriqitaj kuk’ ri’.
K’o nik’aj chik utz tzukunik xb’an ri’
Pa junamil utzukuxik xb’anik, kumal ri tzukunelab’ rech ri División Especializada rech Investigación Criminal ri’ ri k’o keb’ chi puqtzukunem chajinik xkib’an pa taq kachoch winaq rech Ayutla, San Marcos ri xa’rumal k’ut xb’antaj kowonem xechap loq e kajib’ chi winaqil ri’. Pa taq ri keb’ k’olib’alil ri’ xriqitaj wi loq k’olib’alil ruk’ marihuana, ruk’ taq t’u’y ruk’ crack, pisob’al ruk’ cocaína xuquje’ ruk’ nik’aj chik awan kunb’al ri’. Xuquje’ k’o ri pwaq b’otolik xriqitaj ri’ qaraj are rajilab’al ri k’ayin awan kunb’al chi la’ k’ut. Eri nik’aj winaq xechapik xek’am b’i pa q’atb’al tzij chi rij ri k’ax xkib’ano.
Pa le runimal tinamit rech San Marcos xchapataj wi loq jun winaq che ri reqam b’i job’ chi chiyim k’olib’al ruk’ crack, keb’ ruk’ cocaína, ruk’ nik’aj pajib’alil rech kemechakub’alil, ruk’ jun ch’aweb’al rech eqam xuquje’ ruk’ ripwaq b’otolik. Pa le puqtzukunem ri’ are rech xeq’atexik ri e’ajk’ayin rech ri awan kunb’al ri’ xuquje’ ruk’ ri b’anoj k’ax che ri kuya q’oxomal chech ri chajinem pa tinamit ri’ xuquje’ ri kupetisaj kiyab’il ri winaq pa nimatinamit.
Eri puqtzukunem chi rij ri’ are man katanab’ taj rech b’a’ ya’ik uchuq’ab’ ri b’anb’al ya’ik uchuq’ab’ ri q’alajisab’al.