Eri Viceministra rech Antinarcóticos xuquje’ Seguridad Fronteriza, nan patanel al Claudia Palencia, xpe pa b’enam chomanchak pa juyub’ tinamit rech Izabal. Eri toq’ixik chak are xb’anik rech ya’ik uchuq’ab’ ri ya’olchajinem pa tinamit xuquje’ pa le kaq’atexik ri narcotráfico pa le kik’olib’alil ri nima’q jukub’ pa Iximulew. Ruk’ wa’, sib’alaj xkitun kitzij kaq’ab’ ri wokajilal rech kakiwok uwach ri jun tinamit winaqilal ri sib’alaj k’ub’al k’u’x chi ke konojel ri uwinaqilal.
Eri jun chi ke ri k’olib’alil xopan rilik usolixik are ri’ Terminal Ferroviaria rech Puerto Barrios, chi la’ k’ut le nan Viceministra Palencia xmolin kuk’ ri ajk’amal b’e xuquje’ ri e’ajchak e’are k’ut ri ke’ok pa le etab’anem chi la’ xuquje’ pa le solinem uwach taq ri puqtzukunem chajinik b’anom chi la’ rech uq’atexik ri awan kunb’alil ri k’amom loq pa uwi palow pa qatinamit ri’.
Le nan Palencia xusolij ri kichak chajinem kib’anom ri wokajil ajchajin tinamit ri’ xuquje’ ri ilob’al ch’ob’om chik rech kab’anik pa le ch’ob’oj solinem chi rij taq eqa’n chi la’ k’ut.
Achb’ilam kumal ajchomanelab’ rech nik’aj chik wokajilal ri’ xkib’an k’ut jun nim wa’katem pa taq ri k’olib’al rech eqa’n, rech k’olib’al jastaq xuquje’ pa taq ri muelles rech ruchi’ja kik’olib’al nima’q juyub’ pa uwi palow.
Ri q’ijol ri’ are xk’isik are chi’ xkisolij ri kik’olib’al e’ajchajinel chi la’ rech Puerto Barrios, xuquje’ pa le rachoch ri la Subdirección General rech Análisis rech Información Antinarcótica (SGAIA) xuquje’ pa le rachoch uk’olib’al ri División rech Puertos, Aeropuertos xuquje’ rech Puestos Fronterizos (DIPAFRONT) ri’ rech ri Wokajil Ajchajin Tinamit (PNC), jeri’ pa rachoch uk’olib’al ri Puerto Santo Tomás de Castilla ri’. Pa le b’anoj wa’katem solinik ri’, le nim nan al Palencia sib’alaj xutoq’ij ub’ixik chi ke ri reqa’lenel chajinem tinamit chi la’ rech katerne’x ub’anik ri chak ruk’ utzilal xuquje’ rech kakijikomaj ub’anik ri chajinem chi la’ k’ut.
Te k’uri’ xb’e chi pa le Puerto rech Santo Tomás de Castilla, chi la’ k’ut xusolij wi ri kichak chajinem kib’anom ri ajchajinel tinamit chi la’. Le Viceministra Palencia sib’alaj xusolij pa le rachoch k’olib’al xuquje’ xusolij ri b’anoj taq chajinem chi la’ che kenojisax wi ri jastaq xuquje’ che ri keqajisax wiri’. Xuquje’ xk’oji pa jun riqob’a ib’ chomanem ri’ rech xetexik uwach taq ri chak b’anom xuquje’ rech ya’ik uchuq’ab’ ri uq’atexik taq ri k’ax ri’ ech ub’anik ri chajinem pa uk’olib’alil nima’q juyub’ rech pa uwi palow.