Eri reqa’lenelab’ ri Subdirección General rech Investigación Criminal (SGIC) rechri Wokajil Ajchajil Tinamit (PNC) xikib’an ri’ 96 chi b’anoj tzukunem pa taq ri wokja rech ri uk’u’x Amaq’ Nimatinamit Iximulew, pa San Miguel Petapa xuquje’ Jutiapa. Pa ronojel chi tzukunem xkib’ano, k’o 25 xkib’an pa barrio El Gallito, ri colonia Colón Argueta, xuquje’ pa asentamiento Las Calaveras, rech ri zona 3 rech pa uk’u’x nimatinamit.
Pa taq ri tzukunem ri’ e k’o e 1,500 chi e’ajchajinel tinamit, kuk’ ri e’ajchajin amaq’il tinamit rech ri Ejército rech Iximulew kuk’ rajq’atol tzij ri MP. Are xkitaqij kichapik kiq’atexik ri molaj e’ajb’anol k’ax rech ri Mara Salvatrucha (MS-13) ri’.
Eri K’amal B’e rech ri PNC, David Custodio Boteo, ruk’ ri Subdirector General rech Operaciones, Jacinto Quiché, xkinab’ejsak kib’ chi kiwach konojel ri ajchajinelab’ rech xkib’an kazukuxik kichapik ri nik’aj e’ajb’anol k’ax ri e’itzelalaj taq winaq ri’, xuquje’ xkimol uwach ri kitzijol ri nik’aj molaj b’anol k’ax rech xkichap loq.
Pa nab’ejsam ub’ixik ri’, eri wokajil ajchajin tinamit xkitzuj ri’ chi k’o e lajuj chi uwinaqil salvatruchas xkichapo, ri k’o kimak b’anoj k’ax kib’anom, chi k’o ri toq’inik pwaq xkib’an chi ke ri e’ajch’oq’e taq ri ch’ich’ rech erelwinaq pa tinamit, ri k’o b’anoj taq k’ax, kamisanik xuquje’ toq’inik pwaq kib’anom.
Xuquje’ k’o k’aqb’al q’aq’ xkiriq ri’, k’o awan kunb’alil xuquje’ ruk’ awan jastaq ri’. Eri katzukuxik ri’ sib’alaj katajin ri’, are la’ k’o kaya na ub’ixik ri’.