Ruk’ taq ri cholchak chajinem nab’ejsam ub’anik rumal ri Wokajil Ajchajin Tinamit (PNC) rech kaq’atexik ri b’anoj taq kamisan winaq ri’ ruk’ ri b’anoj k’ax che ri kuya k’axk’onem chi ke ri winaqil pa tinamit, rumal ri’ iwir e k’o 191 chi winaqil xechap ri’, rumal kib’anom jalajoj taq k’ax, kamisan winaq, toq’inik pwaq xuquje’ reqaxik k’aqb’al q’aq’ maj uwuj xuquje’ rumal b’anoj k’ax chi ke kixoqil.
K’ate ri’ k’o nim kaq’atexik nik’aj molaj b’anol k’ax che ri kakitoq’ij pwaq xuquje’ kamisanik. Eri wokajil ajchajin tinamit ketajin che uterne’xik ri puqtzukunem chajinik rech upatanexik ri kajlajuj chi cholchak puqtzukunem ri’, puqchajinem tzukunik rech uq’atexik k’ax xuquje’ rech ya’olchajinem winaqilal, xuquje’ rech kab’an rilik kitzijol ri b’insal ch’ich’ pa taq nimab’e pa ronojel rulewal tinamit.
Eri Ministro rech Gobernación, Francisco Jiménez, sib’alaj xuya ub’ixik che pa jun k’otojtzij xk’oji wi rech nim kaq’atexik ri pandillas pa amaq’ tinamit. K’o chi pa uq’ijol rech ri Amaq’, kub’an reqa’lexik ri chak ri’, rech kub’anik kaq’atexik nik’aj pandillas che ri kakib’an kamisan winaq ri’, rumal ri’ xchomax kaq’atexik nik’aj pandillas ri’ xuquje’ rech kaq’atexik ri b’anoj taq kamisanik pa junab’ ri’.”
Eri kichapik ri winaqil ri’ are jun nimachak xb’an ri’, k’o e k’i e chapom chik pa junab’ri’ xuquje’ are ri’ jun nim kaq’atexik nik’aj molaj b’anol k’ax xbb’antaj ri’. Eri kaq’atexik ri ajb’anol k’ax ri’ are la’ sib’alaj tajin ub’anik rumal ri Ministerio rech Gobernación, pa le kaq’atexik nik’aj nuk’molaj b’anol k’ax che ri man k’ot utzilem kakiya pa tinamit.