Eri rajchajinelab’ ri Wokajil Japache’ Tz’apib’al ub’i’ SP) xkik’am b’i iwir a Roberto Carlo Girón Hernández, uq’ab’emb’i’aj a “Gordo” on “RC”, k’a pa le Fuerza Aérea Guatemalteca (FGA), rech xkijach b’i pa uq’ab’ ri q’atb’al tzij rech ri Administración rech ri Control rech Drogas ub’i’ (DEA) rech Estados Unidos rech América, are chi’ xk’is q’atoj tzij pa uwi chi’ pa Amaq’ Tinamit iximulew. Eri jun achi’ are xtz’apib’ pa le Rachoch Japache’ Tz’apib’al kech Achijab’ k’o pa “Mariscal Zavala”. Eri ujachik b’i pa uq’ab’ q’atb’al tzij rech naj tinamit are rumal ri kemonchak xb’antaj kumal ri wokajil ajchajin tinamit rech Iximulew ruk’ ri agencias antidrogas estadounidenses ri’.
Eri Girón Hernández are taqom loq uchapik rumal ri nim q’atb’al tzij ub’i’ Corte Distrital rech ri Estados Unidos rech ri Distrito Sur rech Florida rumal xutaq b’i pa uk’ayixik nik’aj pajb’alil rech uk’u’x awan kunb’al rech cocaína chi la’ pa nimatinamit naj ri’. Ri xjach b’i chi la’, kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit ub’i’ (PNC), pa le oxib’ q’ij rech ik’ febrero kanoq, pa le kilómetro 14, ruta CA-1 Oriente ri’.
Eri tzukno’jchak chi rij ri’ are xq’alajisan rech, che ri jun winaq ri’ k’o uwach kuk’ ri jun Clan del Golfo xuquje’ are xukemonsaj utaqik b’i ri reqa’n rech cocaína pa uq’ab’ ri jun Cártel rech Sinaloa, pa Colombia k’a pa Centroamérica ri’, rech te k’uri’ xq’ax pa México, rech te k’uri’ xopan pa le nimatinamit estadounidense ri’. Xuquje’ xq’alajib’ ri’, cha pa 2015 xuquje’ pa 2023, eri jun puq b’anol k’ax e narcotraficantes ri’ e’are k’ut xkitaq b’i pa ch’ich’ ri awan kunb’a, ri xkijch b’i pa kaq’ab’ nik’aj winaq ri xkiloq’ ri awan kunb’alil ri’.
Eri kemonchak ri’ xb’antaj kumal ri wokom k’amal b’e rech Iximulew xuquje’ Estados Unidos rech América ri’ k’o jun upatanib’al rech katerne’x kaq’atexik ri b’anoj k’ax ri’ ri maj pa usaqilal kumal ri narcotráfico ri’ ruk’ nik’aj chik b’anoj k’ax pa taq nimatinamit, are la’ kub’an kutz k’axk’onem pa ub’eyal ri ya’olchajinem pa rulewal puq taq nimatinamit.