Pa jun puqtzukunem chajinik xb’antaj kumal ri ajtzukno’jchak rech ri Wokajil Ajchajin Tinamit ub’i’ (PNC), pa junamil xkib’an pa Uk’u’x Nimatinamti Iximulew, pa Villa Nueva, pa San Juan Sacatepéquez, pa San Miguel Petapa, Chinautla, pa San Pedro Ayampuc, pa Amatitlán, pa Mixco xuquje’ pa Xe’laju’ ri’; chi la’ pa tinamit ri’ xchap wi loq e 16 chi b’anol k’ax toq’inik pwaq, ri jun molaj b’anol k’ax e’uwinaqil ri mara Salvatrucha xuquje’ ri Pandilla rech ri Barrio 18 ri’. Ri xriqitaj k’aqb’al q’aq’, pwaq, awan kunb’al xuquje’ ch’aweb’alil kuk’ ri’ are awam jastaq ri’ rajawaxik kakoj rech keq’alajisaxik.
Chi ke ri xechap loq kumal ri División Especializada rech Investigación Criminal (DEIC) ri’ e k’o kajib’ chi mareros e Salvatrucha ri’ eri xechapik e’are k’ut a Kevin “N”, 23 ujunab’, a Otto “N” 28 ujunab’, eri nik’aj hondureños Germán “N”, 22 ujunab’ xuquje’ a Fani “N”, 28 ujunab’.
Xuquje’ xriqitaj jun q’apoj ala ri’ ri kab’ixik ya’om utzijol pa alerta Alba-Keneth chi sachinaq ri’.
Xriqitaj k’ut k’aqb’al q’aq’, ch’aweb’alil, kejach’ich’, ub’aq’ k’aqb’al q’aq’, chimk’olib’al ruk’ marihuana ri’ xuquje’ ri wujilal rech katerne’x ri b’anoj tzukno’jchak rech q’alajisab’al ri’.
Are chi’ eri División Nacional rech ri Desarrollo Criminal rech ri Pandillas (DIPANDA), xe’uchapo e kab’lajuj (12) chi b’anol k’ax ri kakiitoq’ij pwaq ri’ rehc ri Barrio 18 ri’ ri kab’ixik eri nik’aj b’anol k’ax ri’ e’are xaq katajin xkib’an toq’inik pwaq ri’ rumal ri’ xechap loq ri jun Osbely “N”, 32 ujunab’, a Luis “N”, 43 ujunab’, al Suheidy “N”, 37 ujunab’, al Karla “N”, 26 ujunab’, al Leyda “N”, 27 ujunab’, a José “N” 28 ujunab’, al Joselin “N”, 22 ujunab’, al Andrea “N”, 33 ujunab’, al Alba “N”, 49 ujunab’, al Adriana “N”, 23 ujunab’, al Neyda “N”, 29 ujunab’ xuquje’ al Marilyn “N”, 41 ujunab’. Xuquje’ xriqitaj Q 55,756 chi pwaqilem xuquje’ ruk’ julajuj (11) chi ch’aweb’al ri’.
Pa jun chik puqtzuiunem xb’anik, rumal jun chik k’ax xb’anik, pa le colonia Landívar, zona 7, xchap loq a José “N” 44 ujunab’, rumal xnawilij xub’an jun k’ax kamisanem.
Eri tzukno’jchak xuq’alajisaj ri’, are chi’ xterne’x ub’anik ri tzukunem chi rij ri k’ax toq’inik pwaq xkib’an chi ke e’ajchoq’e ch’ich’ erelwinaq xuquje’ chi ke e’ajk’ayinelab’. Ruk’ ri kichapik ri’ e k’o chik 1,308 chi ajtoq’inel pwaq xechap k’a pawe kimik pawe junab’ ri’, pa ri b’anoj puqtzkunem xnab’ejsax ri’, are la’ xb’antaj ri’ pa le ya’olchajinem tzukunik rumal ri PNC.