Ruk’ ri nim uchomaxik ri kemonchak rumal ri Wokom K’amal B’e Amaq’ ruk’ ri Crime Stoppers rech Iximulew ri’ kaya’taj uchuq’ab’ ri b’anoj nab’ejsab’al uq’atexik ri k’ax, rech ub’anik ri tzukno’jchak xuquje’ rech uq’atexik taq ri b’anoj k’ax rech Violencia Sexual, Explotación xuquje’ ri Trata de Personas ub’i’ (VET). Eri tijowchuq’ab’ b’anoj chak ri’ xuquje’ are kutaqij uya’ik ri chokonsab’alil chi ke ri winaqilal rech kekowon chech ub’ixik loq pa awalik ri k’ax kakilo kab’anik.

Eri Ukab’ K’amal B’e Amaq’ Tinamit, Karin Herrera, are xuk’am ub’e ujuch’ik uwach ri Nim Wujilal rech Chomab’a ruk’ ri Secretaría rech Q’atb’al Uwach ri Violencia Sexual, Explotación xuquje’ ri Trata de Personas ub’i’ (SVET), xuquje’ ri Crime Stoppers Guatemala ri’. Pa tzijob’elil xub’an ri’, sib’alaj xuya ub’ixik chi k’o nim upatanib’al ri kemonchak pa taqawokajil rech keto’ik ri ak’alab’il, ri e q’apojib’, ri ab’om alitom xuquje’ ri ixoqib’, ri winaqilal kakito’o ta kib’ ri sib’alaj qas e meb’a’ keriqitaj chi kiwach ri’.

Rumal ri’ eri Viceministra rech Antinarcóticos xuquje’ Seguridad Fronteriza, Claudia Palencia, sib’alaj xuya ub’ixik chi k’o nim upatanib’al katerne’x ya’ik uchuq’ab’ b’anik kichak ri wokajil ajchajin tinamit rech uq’atexik taq nik’aj b’anoj k’ax ri’. Xuquje’ sib’alaj xub’ij chi ke ri winaqilal rech chakiya’o b’a’ ub’ixik loq pa awalik ri’ pa taq ri ch’aweb’alil ri kub’al k’u’x ri’.

Eri K’amal B’e rech ri Wokajil Ajchajin Tinamit ub’i’(PNC), David Custodio Boteo, sib’alaj xuya ub’xik che ri reqa’lexik ri kemonchak pa wokajilal ri’ are rech pa aninaqil qas kub’an le rilik ri b’iw ub’ixik ri tzijiolil loq. Rumal k’u ri’ eri Rajtaqanel ri SVET, Danissa Ramírez, sib’alaj xub’ij che ri kemonchak ri’ are kub’anoj rech k’ax ketatab’enik ri winaqilal pa le uq’atexik taq ri k’ax pa amaq’ tinamit.

Eri jun nab’ejsab’al ub’ixik loq are kilotaj kumal rajeqa’lenel chak ri’ sib’alaj kena’w che uchomaxik pa aninaqil, jeri’ chi ke ri winaqilal che ri b’anom k’ax chi ke ri’. Eri b’iw ub’ixik loq, are pa awalik ub’ixik ri’ pa le 1561 Crime Stoppers, pa le  WhatsApp 3467-156, on pa le sitio web http://tupista.gt.