Pa jun tzukunem xb’antaj ri’ kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), kimik xb’antaj kowonem xchap loq ri jun achi ub’i’ Hamilton Paz Fuentes, 34 ujunab’, xuquje’ are ub’i’ kab’ixik “La Osa”, pa ri aldea El Sitio, Catarina, San Marcos ri’. Are kab’icik ajtaqanel rech ri molaj b’anoj k’ax pa nik’aj chik amaq’ib’ ri kakik’am loq chom eqa’n rech cocaína pa Sudamérica k’a pa Centroamérica ri’, jeri’ pa Nicaragua ri’. pa Le Salvador xuquje’ pa Iximulew ri’, pa uwi taq palow xuquje’ rech ub’ik pa Estados Unidos rech América.
Are chi’ xchapataj loq jun achi ri’ xk’am b’i pa xik’ach’ich’ pa le k’aj chi’ pa Iximulew rech kajach pa uq’ab’ ri q’atb’al tzij rech pa tinamit naj.
Eri ajtzukul rech xkib’ij, che ri jun a Paz Fuentes, are xtaq loq uchapik rumal Estados Unidos ri’, rumal xub’an b’i jun chom k’ayin eqa’n chi cocaína pa le tinamit ri k’o naj, pane’ b’a’ reta’m ri are chi are jun nim umak ri’ kuk’ayij b’i ri awan kunb’al maj pa usaqil pa Estados Unidos ri’. Rumal ri’ xtaq loq uchapik rumal ri nimaq’atb’al txzij ub’i’ Corte Distrital rech ri nimatinamit rech ri Distrito Central rech Florida ri’.
Eri Ministro rech Gobernación, Francisco Jiménez, pa le uwachwuj rech ri red social X xuya ub’ixik: che “are jun chik extraditable ri xchapik. Eri jun a ukojomb’i’aj ri’ “La Osa” ri are xchap loq pa #SanMarcos ri’ pa jun puqtzukunem xb’an ri’ rech xchap kumal ri #Antinarcóticos rech @PNCdeGuatemala ri’. Pa jun chik tzukunem ri’ xchap ri ukab’ extraditable pa le q’ij ri’”.
Ruk’ kichapik ri’, e oxlajuj chik ri extraditable e chapom pa le junab’ ri’ rumal e k’o pa narcotráfico. Eri kichapik ri’ are kuya uchuq’ab’ ub’anik ri chak pa rejqale’n ri Ministerio rech Gobernación ri’, pa le kaq’atexik ri molaj b’anol k’ax pa nik’aj chik nimatinamit.