Pa le uq’ijol uq’ij qatinamit, eri Ministerio rech Gobernación (MINGOB) xub’an jun retal unimaxik uq’ij qatinamit ri’ ruk’ ub’antajik ri loq’ no’jk’aslemal ri’, utzijob’elil uk’aslemal ri echab’am rech xutuke’lej rib’ ri q’atinamit Iximulew ri’. Eri b’anowem ri’ are xkub’isax ub’anik pa rejqale’n uchak ri wokajilal ri’ rech kuya jun una’ik chi uj k’o pa uk’amoj ruk’ ri qatinamit, qas chi ke k’ut ri e’ak’alab’ e’aj iximulew.
Eri loq’ b’anowem ri’ are la’ xb’an pa le parqueo Palmeras, pa chi uwach ri nim rachoch ri Ministerio ri’. pa le ilob’anowem, are xb’an ruk’ jun nim ya’ik uq’ij chech retal ratz’iyaqb’alil qatinamit xuquje’ ruk’ ub’ixoxik ri Ub’ixonem Amaq’.
Pa le uwach ub’anik ri nim unimaq’ij ri’, xkicholajisaj kib’ chi’ le Banda Escolar rech ri Escuela Oficial Urbana Mixta rech Educación Preprimaria xuquje’ Primaria ro¿ rech ri Wokajil Ajchajin Tinamit (PNC) ruk’ pa jun nimalaj ki’kotemal, nimantzij, ruk’ nim ya’el uq’ijol, ruk’ taq ri tum, pa ya’ik uq’ijol ri amaq’ tinamit. Eri b’anoj nimaq’ij ri’ xutoq’ij ub’anik ri nimaq’ij tinamit xuquje’ rech xuya nim retalil ri no’jk’aslemalil kumal ri winaqilal xuquje’ uloq’axik uwach chi kuxo’l ri winaqilal ri’, pa jun ya’talil k’aslemal ri’ ri qas xkoj wi rilik ri ti’xaq xuquje’ ri saq chi rij taq ratz’iyaqb’al retal ri qatinamit.
Eri ilob’anowem ri’ are xk’am ub’e ub’anik rumal ri Viceministro rech Seguridad, José Portillo, ri sib’alaj xuya ub’ixik chi k’o nim upatanib’al kab’an unimaqik ri 204 chi ujunab’ chik utukela’m rib’ pa utaqanik ri Iximulew. Pa le xub’ij ri’, xub’an jun ub’ixik kaxik’ixik ri taq ak’alab’ rech kakixim pa kanima’ ri ub’anik ri’ rech kakiloq’aj pa kanima’ kakib’an ri nimaq’ij ri’ pa chuwe’q kab’ij pa qatinamit xuquje’ rech chakiterne’j una’texik wa’ pa chuwe’q kab’ij ri’. “Sib’alaj kaqarayij ri nim utzilem chi we ix xuquje’ rech pa kub’al k’u’x kixqilo, rumal uj rech tinamit Iximulew ri’”, xcha’. Xuquje’ xub’ij chi ke ri nima’q e patanelab’ rech pa saqil suk’ilal chakib’ana b’a’ ri kichakunik pa le ya’olchajinem ri’, rech chakib’ana b’a’ ruk’ ronojel kachuq’ab’ ri kichakun pa taq ri wokajilal ri’.
Pa le nimantzij ri’ xk’oji wi ri Viceministra rech Prevención rech ri Violencia xuquje’ ri mak Delito, Mayda De León; eri uk’amal b’e ri DIGESSP; ri K’amal B’e Tijonem ri’; kuk’ rajpatanelab’ ri Ministerio ri’, ri e’ajtijonelab’, ri e’ajtijoxel xuquje’ ri winaqilb’ pa konojel ri’.