E k’o kak’al (40) chi reqa’lenelab’ ri Departamento Educativo xuquje Doctrina ri’ rech ri Subdirección General rech Estudios xuquje’ Doctrina (SGAL) xuquje’ ri Subdirección General rech Investigación Criminal (SGIC) ri’ rech ri Wokajil Ajchajin Tinamit (PNC) keriqitaj pa le tijonem ub’i’ Ajeqa’lenem Tijonel rech ke’ok che Ajtijonelab’ rech ri Tzukno’jchak chi rij Uq’atexik ri K’ax Kab’an chi ke ri Ixoqib’, Ak’alab’ik kuk’ e Q’apojib’ ri’.
Pa konojel reqa’lenelab’ chajin tinamit, e k’o juk’al oxlajuj (31) chi achijab’ kuk’ e b’elejeb’ (9) chi ixoqib’. Konojel b’a’ tajin kakik’am uchuq’ab’ ri keta’mab’alil, ri uchuq’ab’ ri b’anoj chak kumal rech pa le ya’ik ub’ixikil na’tib’al ri chak kakib’an ri’ rech ke’achb’ilanik chi ke taq reqa’lenel chajin tinamit ruk’ taq rajawaxik ri taqom ub’anik. Eri tijonem ri’ are kanajtib’ kajk’al waqlajuj chi kajb’al (96 horas académicas) rech tijoninem, xuquje’ eri tijonem ri’ are ub’ixik chi ke xuquje’ rech kakich’ob’ ub’anik ri’.
Eri runimal tzij pa le tijonem ri’ are kak’utik wari’: Majib’al Reta’maxik ri K’amoj B’e rech Patan, Ri Reta’maxik ri Ucholajil ri B’anoj K’ax kab’an chi ke ri Ixoqib’, ri Ak’alab’il kuk’ e Q’apojilal pa le K’amoj B’e, rech uq’atexik ri chi ke, Na’wib’alil rech B’anoj K’amal B’e, xuquje’ rech uch’ob’ik ri b’anoj tzukno’jchak ri’ rech uq’atexik ri k’ax kab’an chi ke ri ixoqib’, ak’alab’ kuk’ e q’apojib’, ruk’ nik’aj chik b’anoj k’ax ri’ rech pa aninaqil kab’an ri utzil ilonem tob’anik chi ke ri winaqib’ ri’ che ri kakiriq ri k’ax ri’.
Pa le majib’al okem nimatzij ri’ xek’oji ri rajtaqanelab’ ri SGIC, Heber Estrada, ri taqanel rech ri División rech Investigación Criminal (DEIC), Dora Juárez ri’, ri K’amal B’e rech ri Escuela rech Especialidades rech Policía (EEPOL), Ilsias García ri’, ri Nan K’amal B’e rech Soluciones rech ri Suk’umalib’al, Jessica Ortiz ri’, xuquje’ ri nima tat rech Aprendizaje xuquje’ Desarrollo IJM Región LATAM; Marisol Rodas ri’.