Are wa’ rech ya’el uchuq’ab’ ri uq’atexik ri k’ayin awan taq sik’, katajin k’ut jun puqchajinem tzukunik pa le kilómetro 300.2 nimab’e pa le frontera Corinto rech Puerto Barrios Izabal ri’, eri reqa’lenelab’ ri División rech Puertos Aeropuertos xuquje’ Puestos Fronterizos (DIPAFRONT) rech ri Wokajil Ajchajin Tinamit (PNC), xuriq jun nim eqa’n chi sik’ eri rajil are Q256 mil chi pwaqil rajil ri’.
Eri xriqitajik ri are uwach ri nimachak tajin ub’anik ri’ eri uq’atexik ri’ are kuya uchuq’ab’ ri chajinem poq’san meb’il pa amaq’ tinamit. Pa taq ri tzukunem ri’ xchapataj loq a Walter “N”, 31 ujunab’, ri kab’ixik are b’enaq pa jun ch’ich’ microbús, utaretalil P-243FPJ, marca Toyota ri’. Are chi’ xsolixik ri jun ch’ich’ ri’ xeriqitaj 35 chi kaxonil rech pimawuj, pa jun kaxonil xriq 50 pisob’al ri’, junam ruk’ 350 mil chi sik’ rech ri marca Modern eri rajil are $30,119 ri’.
Eri k’ayij jastaq ri’ are la xtij ukojik loq pa rulewal qatinamit rech kok’ow taj pa taq chajinem aduaneros ri’, ri maj q’atoj tojob’al pwaq tojom tane’ chi rij xuquje’ ri man k’ot pa usaqila ub’anikil jacha tane’ ri kub’i ri taqanem tzij rech ya’talil kak’ayixik.
Ri awan k’ayin jastaq ri’ xane’ man taq ri0’ kupetisaj ri k’ax chech ri saqil k’ayinem, xane’ are kuya jun k’axkonem chech ri kik’aslemal ri winaqilal pa tinamit. Eri puqchajinem tzukunik are k’o nim uq’ij upatan ri’ rech karesaj kachuq’ab’ nik’aj molaj b’anol k’ax che ri kakib’an k’ayin awan jastaq ri maj pa usaqilal.
Rumal ri’ eri Ministerio rech Gobernación, sib’alaj xub’ij che ri reqale’n chak ruk’ ri Estado de Derecho xuquje’ pa le uq’atexik ri b’anoj k’ayin awan taq jastaq.