Pa jun na’tib’alil rumal le División Especializada rech Investigación Criminal (DEIC) rech ri Wokajil Ajchajin Tinamit (PNC), le a Cleofas Ortega Guzmán le ajchajinel che ri xkam pa ya’olchajinem ri’, are ri’ jun loq’ achi ri xuya ukamikal ri’ pa le kachajixik ri winaqilal xuquje’ pa le ya’olchajinem pa amaq’ tinamit Iximulew. Achb’lam kumal ri ajtzukunelab’ rech chajin tinamit, le cortejo fúnebre xopan pa le Galería rech Honor rech ri Dirección General rech ri PNC, zona 1 pa uk’u’x amaq tinamit ri’, chi la’ k’ut xna’tex wi che xuya ronojel ranima’ pa le chajin amaq’ tinamit ri’.
Eri K’amal b’e Amaq’ Tinamit, le nima nan Karin Herrera ri’, ri xuk’am ub’e ub’anik ri nimantzij rech honras fúnebres ri’, chi k’u ri’ xub’ij che ri uchak patan xub’an kanoq ri investigador a Ortega Guzmán ri’ pa le ya’olchajinem winaqilal ri’. Xuna’tij “Ronojel ranima’ xuya rib’ pa k’ax kamikal, xutij k’ax pa le ya’olchajinem winaqilal ri’ are la’ jun nim retalil xuya kanoq, are la’ jun utzilaj k’utb’alil xub’an ri’ ri sib’alaj utz katerne’x ri’. Pa kib’i’ ri tinamit rech Iximulew xuquje’ pa ub’i’ ri Wokom K’amal B’e Amaq’ ri’, Cha’uxlan b’a’ ri ranima’ pa junalik ub’ik”.
Eri Ministro rech Gobernación, Francisco Jiménez, sib’alaj xuya ub’ixik, chi xuya uq’ij ri loq’ achi ri k’o jun nim utzilal xub’an pa le wokajil chajin tinamit rumal are uchak upatan xub’an ruk’ ronojel uchuq’ab’ ranima’. “Are jun loq’ achi loq’ ranima’ kuk’ ri ralk’uwal ixoqil xuquje’ are jun nimanel ri xuya ri uk’aslemal pa le kachajixik ri winaqilal e’aj iximulew ri’.
Chatuxlan ranima’ b’a’ a Ortega Guzmán, nim uq’ij ri achak xab’an ri’, ri ab’i’ pa junalik kak’oji ri’ man kasach taj pa le ya’olchajinem quk’ uj ri kojtajin na ri’”, xcha’.
“Eri q’oxomal ri kaqana’o pa qanima’ kimik sib’alaj b’isob’al ri’, emu wari’ man kojutak’ab’o taj. Rumal ri’ eri qataqawokajil sib’alaj kaq’oxow ri ranima’, je’, pane’ b’a’ jeri’ uyakom rib’. Eri jujun taq b’anoj k’ax chi ke ri qa’eqale’nel man jeri’ kakanaj qumal. Eri uk’utub’anil ri are, are kojusik’ij ruk’ ronojel qachub’ab’ rech uq’atexik taq nik’aj molaj b’anol k’ax chech ri taqawokaj chajin tinamit, chi ke ri winaqilal ri’, chi ke ri e’utz taq winaqil rech we amaq’ tinamit”, xcha’ ri Taqawokajnel Ya’olchajinem pa Amaq’.
Pa le nim ilob’anem ri’ rech honras fúnebres xek’oji ri’ le Viceministra rech Antinarcóticos xuquje’ Seguridad Fronteriza, Claudia Palencia ri’, le Viceministro rech Seguridad, José Portillo ri’, le Viceministro xuquje’ Tecnología rech ri Tzijolil xuquje’ Tzijob’en ib’, William Cameros ri’, le K’amal B’e rech PNC, Helber Beltetón ri’, ri ajtaqanel rech chajin tinamit, ri rachalal le q’atz investigador Ortega Guzmán ri’, ri xkamik pa le chajin tinamit.
Eri a Ortega Guzmán, ri are aj pa tinamit rech Nuevo San Carlos, Retalhuleu, xkam k’ut pa le 24 rech septiembre kanoq, are chi’ xkik’ul kib’ kuk’ nik’aj ajb’anol k’ax pa le 24 calle xuquje’ Avenida Elena, zona 3 rech uk’u’x amaq’ tinamit. Chi la’ k’ut, xkik’ul wi apan kib’ kuk’ e’oxib’ chi kamisanelab’ rech ri Mara Salvatrucha (MS), are chi’ xkilo xe’opan ri’ e’ajchajin tinamit xkik’aq ri e’ajchajinelab’.
Pa le keb’ q’ij rech ik’ septiembre rech 2013, eri a Ortega Guzmán xok che upatan pa le wokajil chajin tinamit rech ri Vigésima Novena Promoción ri’. Xutz’aqatisaj kab’lajuj (12) junab’ ruk’ juk’al keb’ (22) chi q’ij xk’oji par i chajin tinamit. Qas nim b’isob’al b’a’, xe’uya kanoq katukel ri alaj umi’al k’ate oxib’ ujunab’ xuquje’ ruk’ alaj ne’ k’ate oxib’ ik’ alaxinaq.