Rech kataqixikk ub’anik ri chajinem kub’al k’u’x, eri ucholajlejil wokajilal, rech b’a’ kaq’atexik ri nik’aj e’ajpache’ e tz’apilik rech kakesatj ta b’i kib’ xuquje’ rech uq’aexik ri b’anoj k’x pa japache’ tz’apib’al ri’. Rumal ri’ Eri K’amoj Ub’e Q’atb’al Tzij rech Wokajil Japache’ Tz’apib’al ri’ ub’i’ (DGSP) pa kemonchak kuk’ ri Wokajil Ajchajin Tinamit ub’i’ (PNC), xb’an pa sábado ri’, jun nim tzukunem pa le Japache’ Tz’apib’al kech Achijab’ Fraijanes II rech ri uk’u’x nimatinamit ri’.
Eri b’anoj puqchajinem ri’ are xb’an xaq k’a te’et ri’ kumal e 500 chi e’ajchajin tinamit rech taq ri puqchajinem tzukunik xuquje’ rech tzukno’jchak rech ri PNC xuquje’ kumal ri ajchajinelab’ rech ri Grupo Élite rech ri Wokajil Japache’ Tz’apib’al, che ri ketob’anik pa le utzukuxik pa taq ri job’ nimaja tz’apib’al rech ri japache’ ri’, eri resaxik ri retal uwi’kaq’ab’ xuquje’ ri ktizijol rech kilik pa kemechakub’al ub’i’ biolmétrico M13 ri’.
Eri b’anoj taq tzukunem ri’ are la’ uwach ri b’anon uq’atexik taq ri toq’inik pwaq ri’. Ri taqom ub’anik rumal ri Ministerio rech Gobernación ri’. rech b’a kaq’atexik ri molaj b’anol k’ax che ri kakib’an ri k’ax k’a pa taq rachoch japache’ tz’apib’al ri’ ri kakib’an ri toq’inik pwaq, ri kexib’an chi ke ri winaqil xuquje’ ri kakib’an pa molajil ri k’ax pa tinamit ri’.
Eri Ministro rech Gobernación, Francisco Jiménez pa le uwachwuj pa kaqiq’ ub’i’ X, sib’alaj xuya ub’ixik “eri ya’olchajinem pa japache’ tz’apib’al are ri’ qas k’o pa runimal. Ronojel b’anowem ri’ pa Fraijanes 2 pawe q’ij kimik rech rumal ri tzukno’jchak ri kaya utzijob’exik ruk’ juntir pa usaqilal ri’”.
Eri Ministerio rech Gobernación, xukub’isaj ub’ixik che kab’an ri’ ri ya’olchajinem pa tinamit xuquje’ sib’alaj kaya utzijol ub’ixik che ri puqchajinem tzukunik ri’ are uwach ri ub’anikil taqanik pa tinamit rech kab’antaj kowonem kab’an pa ucholalejil ri chajinem pa ja rachoch ri japache’ tz’apib’al ri’ xuquje’ rech kaq’atexik ri molaj b’anol k’ax ri’ k’a pa taq rachoch japache’ tz’apib’al ri’.