Eri Ministro rech Gobernación, Marco Antonio Villeda, xuquje’ ri Taqanel rech ri Ministerio rech ri Defensa Nacional (MDN), Henry Sáenz, xkimol kib’ pawe q’ij kimik rech kakiya uchuq’ab’ ri kemonchak pa wokajilal xuquje’ rech kakib’an k’i uwach taq chomanem rech ya’olchajinem pa tinamit, rech usuk’umaxik ri rachoch wokajil japache’ tz’apib’al. Eri riqon ib’, are wa’ katajin unimaxik ri’ ri xutaq ub’anik ri K’amal B’e rech ri Amaq’, Bernardo Arévalo.
Pa le riqon ib’ xuquje’ xk’oji ri Viceministro rech Seguridad, Estuardo Roberto Solórzano ri’; ri Viceministro rech Antinarcóticos xuquje’ Seguridad Fronteriza, Víctor Hugo Cruz ri’; ri viceministros rech ri MDN xuquje’ ri Comandante rech ri Cuerpo rech Ingenieros rech ri Wokajil Ajchajin Amaq’ Iximulew.
Eri q’atb’al tzij rech ri keb’ Taqawokajilal xkiq’at uchomaxik ub’anik ri kemonchak rech kayakik ri k’ak’ rachoch japache’ tz’apib’al ri’, rech ketz’apib’ chi’ nik’aj e’itzelalaj b’anol k’ax.
Are chi’ xk’is uchakuxik ri’, xb’ixik che ri chak ri’ are kak’is pa ik’ diciembre ri’, rumal k’ut rech are kaya pa kab’lajuj ik’ kak’is ub’anik ri’.
Eri yakonem ri’, are utaqim rech kab’an k’ak’ chech ri taqanem pa wokajil japache’ tz’apib’al, ri k’o ri’ kajlajuj uwach rech ub’anob’alil ri’ ri rech utz keya wi ri winaq e’ajpache’ ketz’apib’ wi, ri k’o wi ri nimaja rech ilonem, rech b’anoj chak xuquje’ rech chajinem ri’.
Xuquje’ eri q’atb’al tzij xkichomaj k’ut rech kakikoj ri molajil rech b’anoj taq chomanem pa taqawokajilal rech kakowixik ub’anik ri chakunem, rech kab’an jun utzilaj utzijolil xuquje’ rech katerne’xik ub’anik ri chak ri’. Ruk’ ri b’anob’alil ri’, eri Wokom K’amal B’e Amaq’ Iximulew xkub’isaj ub’ixik rech ya’ik uchuq’ab’ ri chajinem xuquje’ ri ucholajil ri taqanem pa rulewal tinamit ri’.