Eri reqa’lenelab’ ri comisarías xuquje’ ri unidades especializadas rech ri Wokajil Ajchajin Tinamit (PNC) ketajin che b’anoj chajinem chi ke ri winaqilal che ri ke’opan pa kiwi’ kamuqib’al ri kaminaqib’ rech pa amaq’ tinamit, rech una’texik kiq’ijol ri kikaminaqib’ ri winaqilal ri’, rech kakiya ri kikotz’i’j pa uwi’ taq kamuqib’al ri’.
Eri wokajil ajchajin tinamit chi rij taq kejach’ich’ sib’alaj kechajin ri’ are uwach ri Cholchak rech ri Plan De Las Flores xuquje rech Na’tib’al Kiq’ijol ri Tyox taq Winaq ri’, are la’ taqom ub’anim rumal ri Ministro rech Gobernación, Marco Antonio Villeda ri’. Rumal ri’ k’o tak’atik k’olib’al chajinem xkoj ri qas kik’olib’alil winaq ri’, xuquje’ ruk’ ukojik taqw ri k’ak’ kemechakub’al rech b’anik ya’olchajinem xuquje’ rech kub’al k’u’x kek’oji ri winaqilal che ri ke’opan ri’.
Xuquje’ eri reqa’lenelab’ ri Subdirección General rech Prevención rech ri Delito (SGPD) xuquje’ kuk’ nik’aj chik unidades rech ri PNC, xkikoj ri stands rech chi la’ ke’opa wi ri winaqil pa le jalajoj taq retz’b’exik tijonik ri’, rech kuwa’lijsax kuwach ri winaqilal pa tinamit ri’. Xuquje’ k’o chakub’al rech tzijol xkijach pa taq q’axeb’al tzij rech wokom amaq’ rech b’iw b’ixik loq tzijolil pa taq le 110 rech ri PNC, xuquje’ pa 1561 rech Crime Stoppers ri’.
Eri wokaj ajchajinelab’ ri’ kakijipij kib’ pa le Nimaq’ij rech Barriletes Gigantes, chi la’ e k’ilaj taq winaqilal rech qatinamit kuk’ ri kepe sib’alaj pa najil xkimol kib’ pawe q’ij kimik rech sib’alaj xkina’o uke’al ri wa/rikil rech pa le q’ijol ri’ xuquje’ rech sib’alaj xkika’yej le rikik ri je’l taq wujxik’ ri’ pa le k’olib’al Etz’anem Potz’/K’olaj rech ri Sumpango, xuquje’ pa le Ceementerio General rech Santiago, Sacatepéquez.
Pa le k’utub’al xb’an ri’ xek’ut ri nima’q taq paplo’t/xik’awuj ri’ rech xina’tixik kiq’ij ri ajchajin tinamit e kaminaq chik pa le chajin winaqil pa tinamit. Xuquje’ eri winaqilal kimolom kib’ chi la’ k’ut sib’alaj xkib’ixoj jun loq’ b’ix ub’i’ pa kaxlan tzij “La Muerte no es el Final”, are rech xkina’tij kiq’ijol ri kikaminaq ri’ le sib’alaj pa amaq’el kakiya jun nab’alil pa kanima’ konojel ri wokaj ajchajin tinamit pa le kachajixik kanimaxik ri winaqilal ri amaq’ tinamit ri’.
Xuquje’ xkib’an k’i puqchajinem tzukunik xuquje’ ri uq’atexik k’ax pa taq ri nimab’e xuquje’ pa taq nimab’e rajawaxik ri’ rech uq’atexik taq ri b’anoj k’ax ri’, rech pa le kachajixik ri winaqilal, xuquje’ rech b’anoj kub’al chajinem pa taq ri nimaq’ij ri’.
Jeri’, rech kakilo we keqam ri kiwujilal r’ xuquje’ rech kilik we kakinimaj ri retal b’anob’al Taqanem rech Tránsito xuquje’ ruk’ ri Retanib’alil.