Rech kataqixik ya’ik uchuq’ab’ ri komon tob’anem tajin ri’ xuquje’ rech kab’an ri k’ak’ taq tob’anem rech pa le ub’anik ri ya’olchajinem pa amaq’ tinamit. Rumal ri’ pawe q’ij kimik, eri Ministro rech Gobernación, Marco Antonio Villeda, xkib’an jun riqoj ib’ choman chak ruk’ ri Embajadora rech ri República rech China (Taiwán) Vivia Chun-Fei Chang ri’.

Pa le riqon ib’ ri’ kumal ri q’atb’al tzij ri’ sib’alaj xkib’ij chi k’o nim upatanib’al katerne’x ri kemonchak ri’ rech pa amaq’el kak’oji pa joremal ri k’olib’emal pa amaq’ tinamit. Eri jun riqon ib’ ri’ are la’ uwach ri cholchak tajin rumal ri’ Ministro Villeda, ri kub’an jun nim utoq’axik kuk’ ri amaq’ib’ taq nimatinamit ri keriqitaj pa kemon ri’.

Eri jun riqon ib’ ri’ sib’alaj kuku’bisaj ub’anik ri chak kumal ri q’atb’al tzij rech ri Ministerio rech Gobernación rech katerne’x ub’anik kumal pa kemon tob’anik kuk’ keriqiitaj pa le molojil che ri ketob’an pa le kachajixik ri winaqilal, rech uq’atexik ri k’ax xuquje’ rech ya’ik uchuq’ab’ ri b’anoj chajinem pa amaq’ tinamit.

Jeri’, eri riqon ib’ are kuq’at uwach ri nim choman ib’ pa utzilal xuquje’ ri tob’anem kumal ri Iximulew xuquje’ ri Taiwán ri’, ri are la’ rech kakitunu kiq’ab’ pa b’anik utzilal ri ya’olchajinem xuquje’ ri utzile chi ke ri winaqilal e’aj iximulew ri’.