Eri Ministro rech Gobernación, Marco Antonio Villeda, xopan che usolixik ri jun Oficial II rech chajin tinamit Erick Mauricio Castillo, ri kariqitaj pa kunaxik pa le IGSS 7-19 rech ri nimatinamit rech Iximulew, are chi’ xsakatajik pa le jun puqchajinem tzukunik xb’an pa le 30 rech octubre pa Jalpatagua, Jutiapa ri’. Pa le ri’, eri rajchajinelab’ ri Wokajil Ajchajin Tinamit (PNC) ri xe’opan pa aninaqil ri xesik’ix wi are chi’ k’o jun Itzel achi reqam k’aqb’al q’aq’ ri uyutum ruk’ jun ixoq ri xub’ij che kukamisaj, pa jun nimaja pa la colonia González rech pa nimatinamit ri’.

Are chi’ xkiya utzjol ri ajchajin tinamit, eri jun ch’ayonel sakonel ri’ xkamisaxik rech xkitaq uk’aslemal le ixoq ri’, eri keb’ ajchajinel ri’ xesakataj chi la’ k’ut.

Eri K’amal B’e rech ri PNC, David Custodio Boteo, xuquje’ are juin xopan che usolixik ri ajchajinel a  Vagner Junior Pineda Carías, ri kariqitaj pa rachoch kunan winaq rech Cuilapa, Santa Rosa, rech kakunaxik chi la’ are chi’ xtaqatajik chi jun k’aqb’al q’aq’ ri’. Eri Ministro Villeda xuquje’ ri K’amal B’e Boteo xkib’ij che kakiya’o uq’ij ri’ xuquje’ xkimaltyoxij chi ke ri eqa’lenelab’ rumal xkiya juntir kanima’ chech ub’anik ri ya’olchajinem winaqilal.

Eri Ministerio rech Gobernación xuquje’ ri Wokajil Ajchajin Tinamit sib’alaj xkiya utzijol che sib’alaj ketob’an chi ke ri keb’ ajchajinelab’ jeri’ kuk’ri kachalal ki’alaxik, jeri’ are chi’ ke’utzirik kakimaj chi b’i ri kichak ri’ xuquje’ pa le ya’olchajinem winaqilal ri’.