Eri Ministro rech Gobernación, Marco Antonio Villeda, xopa pa martes riu’ pa jun riqon ib’ ruk’ ri Comisión rech Gobernación rech ri Taqawokaj rech Taqanib’al pa Amaq’ Tinamit, chi la’ k’ut xutzuj wi ub’ixik uwach ucholajil ri uchakunik xuquje’ ri b’anoj taq kachapik ri nik’aj e’ajpache’ xkesaj b’i kib’ pa japache’ tz’apib’al rech Fraijanes II. Xuquje’ chi la xuya wi utzijoxik ucholajil rech ri ub’anikil k’ak’ taqanem rech ri Wokajil Ajchajin Tinamit, rech ya’ik uchuq’ab’ ri ya’olchajinem winaqil pa tinamit, rech ri ucholajil ri ya’olchajinem kab’an pa tinamit ruk’ ri k’ak’ taqanem rech ri Uwokajil rech ri Japache’ Tz’apib’al ri’.
Pa l xub’ij le Ministro Villeda ri’, xuya ub’ixik ri ucholajil chi rij ri chak taji kub’an ri PNC chi rij ri kichapik nik’aj e’ajpache’ e kesam b’i kib’ chi la’ pa Fraijanes II. Xkub’isaj ub’ixik che ri chak pa kemon taqawokajilal are la’ xub’an ri’ rech kab’antaj kowonem rech kechap loq nik’aj e’ajpache’ e kanimajim kib’ xuquje’ rech ya’ik uchuq’ab’ ri b’anoj chajinem pa taq ri nimaja rech japache’ tz’apib’al. Xuquje’ sib’alaj xub’ij che xta’ik ri nim utob’anik pa le Embajada rech ri Estados Unidos ri’ rech b’a’ keyexik kepe che nim tob’anik ri FBI pa taq le q’ij petinaq ri’, rech kataqixik kab’an katzukuxik ri’ xuquje’ rech pa aninaqil kaya uchuq’ab’il rech keriqitaj pa aninaqil loq.
Xuquje’ xya ub’ixik pa taq amaq’ib’ nimatinamit rumal le Interpol Guatemala ri’. Chi rij k’ut ri k’ak’ taqanem rech ri PNC, rech kab’an le rilik uch’ob’ik ri ub’anikil ri taqanem ri’ rech kunimaj b’a’ ri ub’anikil ri taqom upatanexik ri’ rech kanimax ub’anik ri k’ak’ taqanem ri’ jacha ri taqo ub’anik pa taqanawuj pa amaq’ xuquje’ rech kub’an utzilal che ri kichak ri e’ajchajin tinamit.
Pa le riqon ib’ eri patanel Villeda, sib’alaj xuya ub’ixik utzijol chi rij ri ch’ob’oj ri uchuq’ab’ pa tinamit ri b’anoj kaq’atexik taq ri b’anoj k’ax ri’, xuquje’ sib’alaj xuya ub’ixik ucholajil ri chakunem katajin rech uq’atexik taq ri b’anoj k’ax ri’, jacha ri puqchajinem tzukunik, ri utzilal b’anoj sak’ajil chajinik ruk’ ri ya’ik uchuq’ab’il chomanem ri’. Sib’alaj xub’ij che ri ‘anob’alil ri’ are la’ unimam uwach ri uq’atexik ri k’ax, rech tzukno’jchak xuquje’ rech ri rilik uchomaxik pa aninaqil.
Pa le xtatb’en wi ri Viceministro rech Seguridad Estuardo Roberto Solórzano xuquje’ ri Viceministro rech Antinarcóticos, Víctor Hugo Cruz. Ruk’ ri jun riqon ib’ ri’ eri Q’atb’al Tzij rech ri Ministerio rech Gobernación kakiwa’lijsaj ub’anik ri tob’anik kuk’ taq ri kemon winaqilal e’ajchomanelab’ rech ri Amaq’ Tinamit, rech utaqixik ya’ik uchuq’ab’ kaq’atexik taq ri b’anoj k’ax xuquje’ rech katerne’x uchakuxik rech kub’isan kik’u’x ri winaqila xuquje’ rech uq’atexik taq ri b’anon k’ax ri’ rech qastzij b’a’ kak’oji ri utzilem joremal pa tinamit.