Eri reqa’lenelab’ ri antinarcóticos rech ri Wokajil Ajchajin Tinamit (PNC), xkichap loq jun achi ub’i’ Pedro Pablo Oliva Catalán, k’o 35 ujunab’, ri kab’ixik taqom uchapik rech kataq b’i pa japache’ tz’apib’al pa Estados Unidos ri’. Eri ri are xchapik pa el aldea San Diego, La Libertad, Petén pa jun nimalaj puqchajinem sib’alaj utz ub’anik ri’ ri xchap wi loq ri jun achi a Oliva ri’.
Eri winaq winaq ri’ are taqom loq uchapik rumal ri nimaq’atb’al tzij ub’i’ Corte Distrital rech ri Estados Unidos rech ri Distrito Este rech Texas, kab’ixik eri are xub’an ri awan kunb’al cocaína rech k’o xuk’ayij b’i pa rulewal nimatinamit norteamericano ri’. Eri jun a Oliva Catalán ri’ are uwinaqi ri molaj b’anol k’ax rech ri narcotráfico k’a pa 2017 pa le ik’ agosto rech 2024 ri’, ri k’o jun jun nim umak xub’an pa taq ri nimatinamit apanoq.
Eri b’anowem rech uq’atexik ri narcotráfico ri’ are la’ xb’antaj kumal ri wokajil ajchajin tinamit, pa le reqa’lenik ri ministro rech Gobernación, Marco Antonio Villeda ri’.
Ruk’ ri uchapik loq, e k’o chik e 30 chi extraditables e chapom chik pawe junab’ ri’. Pa konojel k’ut, e k’o 17 e chapom chik rumal e uwinaqil ri narcotráfico xuquje’ e k’o 13 xechap loq rumal k’o nik’aj chik ri kimak kib’anom. Eri chajinem q’atenik ri’ are la’ kuya uchuq’ab’ ri katajin ub’anik rumal ri Ministerio rech Gobernación.