Eri Sistema Penitenciario (SP) rech Iximulew, rumal ri utaqanik ri Director General Jorge Guillermo López Dellachiesa ri’ xuquje’ pa le uq’ijol ri cholchak rumal ri uchak ri Ministro de Gobernación, Marco Antonio Villeda, pawe q’ij k’o jun nimachajinem xkib’an pa Rachoch ri Japache’ Tz’apib’al pa le Libertad Q’ante’l, pa Xe’laju’.
Eri b’anoj chajinem ri’, xaq k’a te’et xb’an ri’ rech xq’atexik ri itzelal pa le b’ixik, rech taqim ub’anik ri chajinem tzukunik chi’ xuquje’ rech xe’ajilaxik ri e’ajpache’ e tz’apilik rech kakitukuj ta ub’anik ri k’ax ri’.
Pa le tzukunem ri’ xek’oji ri reqa’lenelab’ ri Grupo Élite rech ri SP xuquje’ ri keb’ mil kajilab’al reqa’lenelab’ ri Wokajil Ajchajin Tinamit, ri sib’alaj kakib’an kowilaj chajinem. Eri chajinem tzukunik ri’ are uwach ri jun b’anik chajib’al pa rachoch taq ri japache’ rech pawe amaq’ tinamit xuquje’ rech kaq’atexik taq ri b’anoj k’ax ri’, ri sib’alaj naj chik b’anom ri k’ax pa japache’ tz’apib’al ri’.
Eri K’amal B’e López Dellachiesa, xumaj ub’anik jun kowilaj chak ri’ rumal k’u ri’ xuchomaj ub’anik ri jikom taqanem pa le wokajil japache’. Eri tzukunem xb’an pa Q’ante’l are retal umajik ri tzukunib’al ch’ob’ol chik rech ub’anik ri k’ak’ taqanem rech uk’exik ri ub’anikil pa le japache’ ri’ xuquje’ rech kaq’atexi pa juntir kuwach ri molaj b’anol k’ax ri’.
Eri Sistema Penitenciario sib’alaj kukub’isaj uk’amik ri reqale’n chak ri’ ruk’ ri ya’olchajinem, ri cholalejib’ xuquje’ ri saqilal ri’, xuquje’ rech uterne’xik pa kub’alil ub’anik ri utz chajinem pa ronojel taq ri rachoch ri japache’ tz’apib’al pa amaq’ tinamit.