Pa keb’ puqchajinem tzukunik k’ate xb’an ri’, eri wokajil ajchajin tinamit xekowon che kachapik nik’aj b’anol k’ax pa aninaqil ri’ maltyox chi ke ri winaqil ri xkiya kitzijol.
E k’o nik’aj elaq’omab’ pa taq ch’ich’ xechap loq pa Villa Hermosa
Eri reqa’lenelab’ ri Comisaría 15 rech ri Wokajil Ajchajin Tinamit (PNC) chaq’ab’ iwir xkichap loq e keb’ chi winaqil kab’ixik e’are kakib’an ri elaq’ chi ke ri e’ajb’inisaxel pa jun nimach’ich’ rech erelwinaq ri’ pa le kilómetro 16, Villa Hermosa, zona 7 rech San Miguel Petapa ri’. Erpi puqchajinem tzukunik ri’ are xb’anik are chi’ xya loq ub’ixik pa le 110 rech ri PNC.
Eri nik’aj winaq xechap ri’, e’are k’ut a Carlos Alejandro “N”, 35 ujunab’, xuquje’ a Óscar René “N”, 32 ujunab’, ri xkaj xekanimajik are chi’ xkilo xe’opan e’ajchajin tinamit ri’. Xriqitaj kuk’ oxib’ eqab’al jastaq ruk’ wuqub’ chi ch’aweb’alil ri k’ate xkeleq’aj ri’. Jeri’ xeq’alajin pa jun esal rachib’al ri elaq’ xkib’ano, rumal k’u ri’ xeq’alajinik. Eri keb’ elaq’omab’ ri’ are wa’ ri kimak kib’anom: Eri a Óscar René ub’anom elaq’ pa 2018 ri’, eri a Rosales ub’anom elaq’ pa 2019 ri’. Rumal ri’ xek’am b’i pa q’atb’al tzij ri’.
Eri jun taxista reqam awan kunb’al xchap pa Villa Canales ri’
Pa jun chik puqchajinem tzukunik, eri Grupo Especial E’ajq’atenel Extorsiones ri’ ub’i’ (GECE) rech ri PNC pa le aldea Chichimecas, Villa Canales, xkichap wi loq jun taxista pirata ub’i’ a Christopher Alexander “N”, 21 ujunab’ ri’. Eri jun achi ri’ ub’insam b’i jun ch’ich’ taxi pirata ri’. Are chi’ xtzukux upam ri’ xriqitaj jun k’olib’al ruk’ 300 chi rab’arik kunb’al rech cocaína ruk’ 300 chi kunb’al rech crack. Eri jun xchapik ri’ xk’am b’i pa q’atb’al tzij ri’.
Eri puqchajinem tzukunik ri’ are tajin ub’anik rech kaq’atexik ri k’ayin awan kunb’al ri’ pa taq ri wokja rech ri pa uk’u’x nimatinamit, xuquje’ rech keq’atexik nik’aj molaj b’anol k’ax che ri kikojom nik’aj taxis piratas ri’.
Eri Ministerio rech Gobernación ri’ sib’alaj xub’ij chi k’o nim upatanib’al rech kakib’ij utzijol kumal ri winaqilal ri’ pa le 110 rech ri PNC xuquje’ pa le 1574 rech kaq’atexik ri b’anoj elaq’ toq’inik pwaq ri’. Ruk’ wari’ pa aninaqil kab’antaj kowonem kaq’atexik ri b’anoj k’ax ri’ pa amaq’ tinamit.