Xaq pa nimaq’ab’ rech pa jueves ri’, eri reqa’lenelab’ri agentes rech ri Grupo Élite rech ri Sistema Penitenciario (PS) ruk’ katob’anik ri unidades rech ri Wokajil Ajchajin Tinamit (PNC) xkib’an jun nimalaj puqchajinem tzukunik pa le Japache’ keb’ Achijab’ ri k’o pa zona 18 ri’, qas chi la’ pa le sector 11. Eri tzukunik katajin chi la’ rech xb’an rilik ri kitzijol ri uwinaqil ri jun pandilla rech ri Barrio 18 e tz’apilik chi la’ pa japache’.
Eri puqchajinem tzukunik ri’ xmajtaj pa le waqib’ (6:00) kajb’al rech xsaqarik kumal ri e jun mil chi reqa’lenel chajinem pa japache’ tz’apib’al kuk’ reqa’lenel ajchajin tinamit rech taq ri jalajoj chi subdirecciones xuquje’ unidades especializadas xetaq pa taq tzukunem ri’. Pa le are jun xek’oji ri reqa’lenelab’ le Inspectoría General rech ri Régimen Penitenciario xuquje’ rech ri Subdirección Operativa rech ri SP. Xuquje’ e’are jun xek’oji ri’ rajchomanelab’ ri taqawokajil rech ajtob’anel rech ri ya’tal chi ke ri winaqilal pa tinamit.
Eri q’atb’al tzij xkiya utzijol che katajin usolixik kitzijol konojel ri winaqil e’ajpache’ e tz’apilik, e’uwinaqil ri Barrio 18, pa le b’anoj chajinem, solinik xuquje’ ya’ik pa uq’ijol kitzijol ri e tz’apilik pa japache’. Eri puqchajinem ri’ are sib’alaj xb’antaj ri’ rech b’anoj ri ya’olchajinem xuquje’ ri solinik pa taqawokajilal ri’, pa uterne’xik ri ya’ik uchuq’ab’ ri b’anoj chajinem pa taq rachoch ri japache’ tz’apib’al winaq pa amaq’ tinamit.
Eri b’anowem ri’ are ri’ k’o pa le cholchak rumal ri Ministro rech Gobernación, Marco Antonio Villeda, rech katerne’xik ub’anik ucholalejil ri chajinem pa le japache’ tz’apib’al.