Rech b’a’ kakub’isax ri kachajixik ri winaqilal, rech kaq’atexik b’a’ ri molaj b’anol k’ax, rech ya’ik uchuq’ab’ ri chajinem pa tinamit xuquje’ kuk’ ri e’ajb’anol k’ax ri’ are ri’ runimal ri cholchak rech puqchajinem tzukunik ri’ pa le kajipixik e 43 mil chi reqa’lenelab’ ri Wokajil Ajchajin Tinamit (PNC) pa rulewal amaq’ tinamit pa taq ri k’isb’al junab’ ri’. Eri k’amal B’e Amaq’ ri’, Bernardo Arévalo, xuk’am ub’e ub’anik ri nuk’chomab’al rech tzijolil ub’i’ La Ronda, ri xya wi ub’ixik ri cholchajiem ri’.
Pa le tzijob’el xub’an ri’, eri K’amal B’e Amaq’ sib’alaj xub’ij che ri cholchak ri’ are kuya uchuq’ab’ ri uwach upatan ri Wokom Amaq’ rech kakub’isax kachajixik ri winaqilal pa taq nimaq’ij rech k’isb’al junab’ rech pa joremal ki’kotem kek’oji. “Are wa’ uwach ri chak tajin rumal ri’ Ministerio rech Gobernación ri usuk’umam ri’, xuquje’ are la’ tajin che ub’anik ri eye’m kumal ri winaqilal, rech qastzij b’a’ kechajixik ri man xaq ruk’ ub’ixik tane’”, xcha’ r K’amal B’e Amaq’ Arévalo ri’.
Rumal ri’ eri Ministro rech Gobernación, Marco Antonio Villeda Sandoval, sib’alaj xuya ub’ixik che ri cholchak ri’ e k’o e k’ilaj taq ajchajin tinamit kek’oji pa taq ri kik’olib’alil winaq xuquje’ k’o k’ilaj puqchajinem tzukunik kakib’an ri’ rech ya’ik uchuq’ab’ ri chajinem pa taq le nimaq’ij rech pa k’isbal junab’ ri’ pa amaq’ tinamit. “Kotajin k’ut che unimaxik ri b’anoj chajinem ri’ rech k’o joremal ki’kotem chi kuxo’l ri winaqil rech kek’oji pa joremal ri’”, xcha’ ri taqawokajnel rech ri Ministerio rech Gobernación (Mingob).
Rumal k’u ri’ eri ajchajin tinamit kakib’an chajinem che kaqan rech pa uq’atexik ri k’ax, jeri’ chi rij taq kejach’ich’ kechajin ri’ chinaqaj taq ri cajeros automáticos, chinaqaj rachoch taq pwaq k’olme’r ri’, pa taq nimk’ayib’al, k’iyb’al xuquje’ pa taq nik’aj chik kik’olib’alil ri tojb’al ri aguinaldo xuquje’ ri qas kakiloq’ wi jastaq ri winaq pa k’isb’al junab’ ri’.
Pa taq ri nimab’e xuquje’ pa taq k’olib’alil winaq ri’ chi la’ k’ut qas kakoj wi ri k’olib’al chajinem rech kasolix kitzijol ri winaqil rech kilik we taqoam kachapik, rech kakib’insaj taj kich’ich’ e q’abarel taj, rech kakirumumij ta kib’ xuquje’ rech kilik we keqam kiwujil ri winaqil pa tinamit. Xuquje’ eri wokajil ajchajin tinamti kakib’an ri’ solinem chajineik pa taq ri ch’ich’ rech kilik we man k’ot awan jastaq kunb’al keqam b’i ri’, xuquje’ rech kaq’atexik taq ri k’ayin poq’sab’al maj uwuiil, ri saqchaj saqche’ xuquje’ ruk’ nik’aj chik jastaq maj pa usaqil ri’ ri kub’an k’ax chi ke ri winaq .